७. वंसङ्गपञ्हो

७. ‘‘भन्ते नागसेन, ‘वंसस्स एकं अङ्गं गहेतब्ब’न्ति यं वदेसि, कतमं तं एकं अङ्गं गहेतब्ब’’न्ति? ‘‘यथा, महाराज, वंसो यत्थ वातो, तत्थ अनुलोमेति, नाञ्ञत्थमनुधावति, एवमेव खो, महाराज, योगिना योगावचरेन यं बुद्धेन भगवता भासितं नवङ्गं सत्थु सासनं, तं अनुलोमयित्वा कप्पिये अनवज्जे ठत्वा समणधम्मं येव परियेसितब्बं. इदं, महाराज, वंसस्स एकं अङ्गं गहेतब्बं. भासितम्पेतं महाराज थेरेन राहुलेन –

‘‘‘नवङ्गं बुद्धवचनं, अनुलोमेत्वान सब्बदा;

कप्पिये अनवज्जस्मिं, ठत्वापायं समुत्तरि’’’न्ति.

वंसङ्गपञ्हो सत्तमो.