भिक्खुपच्चत्थिकचतुक्कभेदवण्णना

६३-६४. एवं सन्थतचतुक्कभेदं वत्वा इदानि यस्मा न केवलं मनुस्सित्थिआदिके भिक्खुस्स एव सन्तिके आनेन्ति. अथ खो भिक्खुम्पि तासं सन्तिके आनेन्ति, तस्मा तप्पभेदं दस्सेन्तो ‘‘भिक्खुपच्चत्थिका भिक्खुं मनुस्सित्थिया सन्तिके’’ति आदिना नयेन सब्बानि तानि चतुक्कानि पुनपि नीहरित्वा दस्सेसि. तेसु विनिच्छयो वुत्तनयेनेव वेदितब्बोति.

भिक्खुपच्चत्थिकवसेन चतुक्कभेदवण्णना निट्ठिता.