१०. चीवरापनिधानसिक्खापदवण्णना

३७७-८१. दसमे – अपनिधेन्तीति अपनेत्वा निधेन्ति. हसापेक्खोति हसाधिप्पायो. अञ्ञं परिक्खारन्ति पाळिया अनागतं पत्तत्थविकादिं. धम्मिं कथं कत्वाति ‘‘समणेन नाम अनिहितपरिक्खारेन भवितुं न वट्टती’’ति एवं धम्मकथं कथेत्वा दस्सामीति निक्खिपतो अनापत्ति. सेसमेत्थ उत्तानमेव. तिसमुट्ठानं – किरियं, सञ्ञाविमोक्खं, सचित्तकं, लोकवज्जं, कायकम्मं, वचीकम्मं, अकुसलचित्तं, तिवेदनन्ति.

चीवरापनिधानसिक्खापदं दसमं.

समत्तो वण्णनाक्कमेन सुरापानवग्गो छट्ठो.