९-१०. इन्द्रियसम्पन्नसुत्तादिवण्णना

१५४-१५५. नवमे इन्द्रियसम्पन्नोति परिपुण्णिन्द्रियो. तत्थ येन छ इन्द्रियानि सम्मसित्वा अरहत्तं पत्तं, सो तेहि निब्बिसेवनेहि इन्द्रियेहि समन्नागतत्ता, चक्खादीनि वा छ इन्द्रियानि सम्मसन्तस्स उप्पन्नेहि सद्धादीहि इन्द्रियेहि समन्नागतत्ता परिपुण्णिन्द्रियो नाम होति, तं सन्धाय भगवा चक्खुन्द्रिये चेतिआदिना नयेन देसनं वित्थारेत्वा एत्तावता खो भिक्खु इन्द्रियसम्पन्नो होतीति आह. दसमं हेट्ठा वुत्तनयमेवाति.

नवपुराणवग्गो पञ्चदसमो.

ततियो पण्णासको.