९-१०. नन्दिक्खयसुत्तादिवण्णना

५१-५२. नवमदसमेसु नन्दिक्खया रागक्खयो, रागक्खया नन्दिक्खयोति इदं नन्दीति वा रागोति वा इमेसं अत्थतो निन्नानाकरणताय वुत्तं. निब्बिदानुपस्सनाय वा निब्बिन्दन्तो नन्दिं पजहति, विरागानुपस्सनाय विरज्जन्तो रागं पजहति. एत्तावता विपस्सनं निट्ठपेत्वा ‘‘रागक्खया नन्दिक्खयो’’ति इध मग्गं दस्सेत्वा ‘‘नन्दिरागक्खया चित्तं विमुत्त’’न्ति फलं दस्सितन्ति. नवमदसमानि.

अत्तदीपवग्गो पञ्चमो.

मूलपण्णासको समत्तो.