(३४. क) मुट्ठस्सच्चं

९३५. तत्थ कतमं मुट्ठस्सच्चं? या अस्सति अननुस्सति अप्पटिस्सति अस्सति अस्सरणता अधारणता पिलापनता सम्मुसनता – इदं वुच्चति ‘‘मुट्ठस्सच्चं’’.

(ख) असम्पजञ्ञं

तत्थ कतमं असम्पजञ्ञं? यं अञ्ञाणं अदस्सनं …पे… अविज्जालङ्गी मोहो अकुसलमूलं – इदं वुच्चति ‘‘असम्पजञ्ञं’’.

(ग) चेतसो विक्खेपो

तत्थ कतमो चेतसो विक्खेपो? यं चित्तस्स उद्धच्चं अवूपसमो चेतसो विक्खेपो भन्तत्तं चित्तस्स – अयं वुच्चति ‘‘चेतसो विक्खेपो’’.