१. विभङ्गवारो

हेतुपच्चयो

३३२. अज्झत्तिकं धम्मं पच्चया अज्झत्तिको धम्मो उप्पज्जति हेतुपच्चया… तीणि (पटिच्चसदिसा).

बाहिरं धम्मं पच्चया बाहिरो धम्मो उप्पज्जति हेतुपच्चया – बाहिरं एकं खन्धं पच्चया द्वे खन्धा चित्तसमुट्ठानञ्च रूपं, द्वे खन्धे…पे… (पटिसन्धिक्खणे द्वेपि कातब्बा, याव अज्झत्तिका महाभूता) वत्थुं पच्चया बाहिरा खन्धा. बाहिरं धम्मं पच्चया अज्झत्तिको धम्मो उप्पज्जति हेतुपच्चया – बाहिरे खन्धे पच्चया चित्तं, वत्थुं पच्चया चित्तं (पटिसन्धिक्खणे द्वेपि कातब्बा). बाहिरं धम्मं पच्चया अज्झत्तिको च बाहिरो च धम्मा उप्पज्जन्ति हेतुपच्चया – बाहिरं एकं खन्धं पच्चया द्वे खन्धा चित्तञ्च चित्तसमुट्ठानञ्च रूपं, द्वे खन्धे…पे… वत्थुं पच्चया चित्तं सम्पयुत्तका च खन्धा (पटिसन्धिक्खणे द्वेपि कातब्बा). (३)

३३३. अज्झत्तिकञ्च बाहिरञ्च धम्मं पच्चया अज्झत्तिको धम्मो उप्पज्जति हेतुपच्चया – पटिसन्धिक्खणे चित्तञ्च सम्पयुत्तके च खन्धे पच्चया अज्झत्तिकं कटत्तारूपं. अज्झत्तिकञ्च बाहिरञ्च धम्मं पच्चया बाहिरो धम्मो उप्पज्जति हेतुपच्चया – बाहिरं एकं खन्धञ्च चित्तञ्च पच्चया द्वे खन्धा चित्तसमुट्ठानञ्च रूपं, द्वे खन्धे…पे… चित्तञ्च महाभूते च पच्चया चित्तसमुट्ठानं रूपं, चित्तञ्च वत्थुञ्च पच्चया बाहिरा खन्धा (पटिसन्धिक्खणे तीणिपि कातब्बा). अज्झत्तिकञ्च बाहिरञ्च धम्मं पच्चया अज्झत्तिको च बाहिरो च धम्मा उप्पज्जन्ति हेतुपच्चया – पटिसन्धिक्खणे बाहिरं एकं खन्धञ्च चित्तञ्च पच्चया द्वे खन्धा अज्झत्तिकञ्च बाहिरञ्च कटत्तारूपं, द्वे खन्धे…पे…. (३)

आरम्मणपच्चयो

३३४. अज्झत्तिकं धम्मं पच्चया अज्झत्तिको धम्मो उप्पज्जति आरम्मणपच्चया – चक्खायतनं पच्चया चक्खुविञ्ञाणं…पे… कायायतनं …पे…. अज्झत्तिकं धम्मं पच्चया बाहिरो धम्मो उप्पज्जति आरम्मणपच्चया – चक्खायतनञ्च चक्खुविञ्ञाणञ्च पच्चया चक्खुविञ्ञाणसहगता खन्धा…पे… कायायतनञ्च…पे… चित्तं पच्चया सम्पयुत्तका खन्धा; पटिसन्धिक्खणे…पे…. अज्झत्तिकं धम्मं पच्चया अज्झत्तिको च बाहिरो च धम्मा उप्पज्जन्ति आरम्मणपच्चया – चक्खायतनं पच्चया चक्खुविञ्ञाणं सम्पयुत्तका च खन्धा…पे… कायायतनं…पे…. (३)

बाहिरं धम्मं पच्चया बाहिरो धम्मो उप्पज्जति आरम्मणपच्चया – बाहिरं एकं खन्धं पच्चया द्वे खन्धा, द्वे खन्धे…पे… पटिसन्धिक्खणे…पे… वत्थुं पच्चया बाहिरा खन्धा. बाहिरं धम्मं पच्चया अज्झत्तिको धम्मो उप्पज्जति आरम्मणपच्चया – बाहिरे खन्धे पच्चया चित्तं, वत्थुं पच्चया चित्तं (पटिसन्धिक्खणे द्वेपि कातब्बा). बाहिरं धम्मं पच्चया अज्झत्तिको च बाहिरो च धम्मा उप्पज्जन्ति आरम्मणपच्चया – वत्थुं पच्चया चित्तञ्च सम्पयुत्तका च खन्धा (पटिसन्धिक्खणे एकं कातब्बं). (३)

३३५. अज्झत्तिकञ्च बाहिरञ्च धम्मं पच्चया अज्झत्तिको धम्मो उप्पज्जति आरम्मणपच्चया – चक्खुविञ्ञाणसहगते खन्धे च चक्खायतनञ्च पच्चया चक्खुविञ्ञाणं…पे… कायविञ्ञाणसहगते…पे….

अज्झत्तिकञ्च बाहिरञ्च धम्मं पच्चया बाहिरो धम्मो उप्पज्जति आरम्मणपच्चया – चक्खुविञ्ञाणसहगतं एकं खन्धञ्च चक्खायतनञ्च चक्खुविञ्ञाणञ्च पच्चया द्वे खन्धा, द्वे खन्धे…पे… कायविञ्ञाणसहगतं…पे… बाहिरं एकं खन्धञ्च चित्तञ्च पच्चया द्वे खन्धा, द्वे खन्धे…पे… चित्तञ्च वत्थुञ्च पच्चया बाहिरा खन्धा (पटिसन्धिक्खणे द्वेपि कातब्बा). अज्झत्तिकञ्च बाहिरञ्च धम्मं पच्चया अज्झत्तिको च बाहिरो च धम्मा उप्पज्जन्ति आरम्मणपच्चया – चक्खुविञ्ञाणसहगतं एकं खन्धञ्च चक्खायतनञ्च पच्चया द्वे खन्धा चक्खुविञ्ञाणञ्च, द्वे खन्धे…पे… (संखित्तं). (३)