९४. क्विम्हि

ननु किमत्थमन्तग्गहणं यतो ‘‘क्विम्हि लोपो-न्तब्यञ्जनस्सा’’ति वुत्तं, ‘‘छट्ठियन्तस्सा’’ति (१-१७) अन्तस्सेव लोपो सियाति चोदनं मनसि निधाय तग्गहणे पयोजनं दस्सेन्तो आह- ‘अन्तग्गहण’मिच्चादि. लोपविधीसूति (वीआदिलोपविधीसु, छट्ठी निद्दिट्ठन्ति) ‘‘वीमन्तु वन्तू’’न्ति (४-१३८) छट्ठीनिद्दिट्ठं. भदन्तविधिचरितत्तब्यापारं [तदन्तविधिचिरभेदनाच्चनब्यापारं (पोत्थके)] निस्सायाह- ‘छट्ठियन्तस्सा’’ती ब्यापारा’ति. अन्तस्साति वीआदीनमीकारादिनो. अञ्ञथाति सब्बापहारिलोपञ्ञापनाभावे. अनत्थकं सिया ‘‘छट्ठियन्तस्सा’’तिमस्स ब्यापारसम्भावा. इदानि छट्ठीनिद्दिट्ठानं विसेसेन वत्तुमिच्छित्तं अन्तस्सेव लोपपत्तिदोसं दस्सेतुमाह- ‘तदन्ते’च्चादि.