५२. इकि

अथ सरूपेच्चेतावति वुत्ते- ‘किरियत्थस्स सरूपे’ति कथं विञ्ञायतिच्चाह- ‘किरियत्था’तिच्चादि. ननु च लो-यं कत्तरि विधीय मानोकथमेत्थ सियात्याह- ‘अकत्तरिपि’च्चादि. अभिमतो कच्चायनस्स. पटिपादयितुमाह- ‘तत्था’तिआदि. करणं उच्चारणं, अस्स करोति समासवाक्यं. न हि एव दीहि कारो विहितोति अक्खरे हेव कारस्स विहितत्ता अक्खरसमुदायतो न पप्पोतीति भावो. अथ चेति मतप्पदाने. एवादिसद्दवाचका एवकारादयो साधवोति अथ मतन्ति अत्थो.

तत्थाति तथा अभिमते तस्मिं. नियमहेतुनो अभावाति अक्खरेहेव कारप्पच्चयो विधेय्यो न पन एवादीहिच्चस्स नियमस्स यो हेतु तस्स हेतुनो अभावा.