१५. चुरा

असति सुत्ते सकत्थेति कथं लब्भतीति आह- ‘अत्थानति देसा’ति. अत्था-नतिदेसाति अत्थविसेसस्स कस्सचि सुत्ते अनिद्देसाति अत्थो. अत्थविसेसस्सा-नतिदेसमत्तेन सकत्थोयेव णिना वाच्चोति कथं विञ्ञायतेच्चाह- ‘सकत्थस्स च सुतत्ता’ति. चुर=थेय्ये इच्चादीसु थेय्यादिकस्स सकत्थस्स सुतत्ताति अत्थो. योगविभागतोति ‘णी’तियोगविभागतो, रज्जं कारेतीति एत्थ साम्यमच्चादिकं सत्तङ्गं रज्जं पवत्तेतीति वा अत्थो, पयोजकब्यापारे णि.