२३०. चंवा

कच्चायनाचरियो तुम्हाम्हेहि पराय चतुत्थी छट्ठी सविभत्तिया ‘‘सस्सं’’ति (२-३-३) सुत्तेन अमादेसं विधाय ‘तुम्हं अम्ह’न्ति बहुवचनरूपानि साधेति… एकस्मिम्पि अत्तनि गुरुआदिके च गारव वसेन बहुवचनरूपदस्सनतोति दस्सेतुमाह-तुम्हं अम्ह’न्तिआदि, तस्सायुत्तत्ता ‘तमयुत्त’न्ति वत्वा अयुत्ततं साधेति ‘एवं हि’च्चादिना, इमस्मिम्पन सत्थे एकस्मिम्पि सब्बथा बहुवचन रूपसाधनक्कमं दस्सेतुं ‘इध पना’तिआदिमारद्धं.