230. сан̇гхе бхинне чӣваруппа̄дакатха̄

376. идха пана, бхиккхаве, вассам̣вут̣т̣ха̄нам̣ бхиккхӯнам̣ ануппанне чӣваре сан̇гхо бхиджджати. таттха манусса̄ екасмим̣ паккхе удакам̣ денти, екасмим̣ паккхе чӣварам̣ денти – сан̇гхасса дема̄ти. сан̇гхассеветам̣.

идха пана, бхиккхаве, вассам̣вут̣т̣ха̄нам̣ бхиккхӯнам̣ ануппанне чӣваре сан̇гхо бхиджджати. таттха манусса̄ екасмим̣ паккхе удакам̣ денти, тасмим̣йева паккхе чӣварам̣ денти – сан̇гхасса дема̄ти. сан̇гхассеветам̣.

идха пана, бхиккхаве, вассам̣вут̣т̣ха̄нам̣ бхиккхӯнам̣ ануппанне чӣваре сан̇гхо бхиджджати. таттха манусса̄ екасмим̣ паккхе удакам̣ денти, екасмим̣ паккхе чӣварам̣ денти – паккхасса дема̄ти. паккхассеветам̣.

идха пана, бхиккхаве, вассам̣вут̣т̣ха̄нам̣ бхиккхӯнам̣ ануппанне чӣваре сан̇гхо бхиджджати. таттха манусса̄ екасмим̣ паккхе удакам̣ денти, тасмим̣йева паккхе чӣварам̣ денти – паккхасса дема̄ти. паккхассеветам̣.

идха пана, бхиккхаве, вассам̣вут̣т̣ха̄нам̣ бхиккхӯнам̣ уппанне чӣваре абха̄джите сан̇гхо бхиджджати. саббесам̣ самакам̣ бха̄джетаббанти.

сан̇гхе бхинне чӣваруппа̄дакатха̄ нит̣т̣хита̄.