231. дуггахитасуггахита̄дикатха̄

377. тена кхо пана самайена а̄йасма̄ ревато ан̃н̃атарасса бхиккхуно хаттхе а̄йасмато са̄рипуттасса чӣварам̣ па̄хеси – ‘‘имам̣ чӣварам̣ тхерасса дехӣ’’ти. атха кхо со бхиккху антара̄магге а̄йасмато реватасса висса̄са̄ там̣ чӣварам̣ аггахеси. атха кхо а̄йасма̄ ревато а̄йасмата̄ са̄рипуттена сама̄гантва̄ пуччхи – ‘‘ахам̣, бханте, тхерасса чӣварам̣ па̄хесим̣. сампаттам̣ там̣ чӣвара’’нти? ‘‘на̄хам̣ там̣, а̄вусо, чӣварам̣ пасса̄мӣ’’ти. атха кхо а̄йасма̄ ревато там̣ бхиккхум̣ етадавоча – ‘‘ахам̣, а̄вусо, а̄йасмато хаттхе тхерасса чӣварам̣ па̄хесим̣. кахам̣ там̣ чӣвара’’нти? ‘‘ахам̣, бханте, а̄йасмато висса̄са̄ там̣ чӣварам̣ аггахеси’’нти. бхагавато етаматтхам̣ а̄рочесум̣.

378. идха пана, бхиккхаве, бхиккху бхиккхусса хаттхе чӣварам̣ пахин̣ати – ‘‘имам̣ чӣварам̣ иттханна̄масса дехӣ’’ти. со антара̄магге йо пахин̣ати тасса висса̄са̄ ган̣ха̄ти. суггахитам̣. йасса пахиййати тасса висса̄са̄ ган̣ха̄ти. дуггахитам̣.

идха пана, бхиккхаве, бхиккху бхиккхусса хаттхе чӣварам̣ пахин̣ати – ‘‘имам̣ чӣварам̣ иттханна̄масса дехӣ’’ти. со антара̄магге йасса пахиййати тасса висса̄са̄ ган̣ха̄ти. дуггахитам̣. йо пахин̣ати тасса висса̄са̄ ган̣ха̄ти. суггахитам̣.

идха пана, бхиккхаве, бхиккху бхиккхусса хаттхе чӣварам̣ пахин̣ати – ‘‘имам̣ чӣварам̣ иттханна̄масса дехӣ’’ти. со антара̄магге сун̣а̄ти – йо пахин̣ати со ка̄лан̇катоти. тасса матакачӣварам̣ адхит̣т̣ха̄ти. сва̄дхит̣т̣хитам̣. йасса пахиййати тасса висса̄са̄ ган̣ха̄ти. дуггахитам̣.

идха пана, бхиккхаве, бхиккху бхиккхусса хаттхе чӣварам̣ пахин̣ати – ‘‘имам̣ чӣварам̣ иттханна̄масса дехӣ’’ти. со антара̄магге сун̣а̄ти – йасса пахиййати со ка̄лан̇катоти. тасса матакачӣварам̣ адхит̣т̣ха̄ти. два̄дхит̣т̣хитам̣. йо пахин̣ати тасса висса̄са̄ ган̣ха̄ти. суггахитам̣.

идха пана, бхиккхаве, бхиккху бхиккхусса хаттхе чӣварам̣ пахин̣ати – ‘‘имам̣ чӣварам̣ иттханна̄масса дехӣ’’ти. со антара̄магге сун̣а̄ти – убхо ка̄лан̇ката̄ти. йо пахин̣ати тасса матакачӣварам̣ адхит̣т̣ха̄ти. сва̄дхит̣т̣хитам̣. йасса пахиййати тасса матакачӣварам̣ адхит̣т̣ха̄ти. два̄дхит̣т̣хитам̣.

идха пана, бхиккхаве, бхиккху бхиккхусса хаттхе чӣварам̣ пахин̣ати – ‘‘имам̣ чӣварам̣ иттханна̄масса даммӣ’’ти. со антара̄магге йо пахин̣ати тасса висса̄са̄ ган̣ха̄ти. дуггахитам̣. йасса пахиййати тасса висса̄са̄ ган̣ха̄ти. суггахитам̣.

идха пана, бхиккхаве, бхиккху бхиккхусса хаттхе чӣварам̣ пахин̣ати – ‘‘имам̣ чӣварам̣ иттханна̄масса даммӣ’’ти. со антара̄магге йасса пахиййати тасса висса̄са̄ ган̣ха̄ти. суггахитам̣. йо пахин̣ати тасса висса̄са̄ ган̣ха̄ти. дуггахитам̣.

идха пана, бхиккхаве, бхиккху бхиккхусса хаттхе чӣварам̣ пахин̣ати – ‘‘имам̣ чӣварам̣ иттханна̄масса даммӣ’’ти. со антара̄магге сун̣а̄ти – ‘‘йо пахин̣ати со ка̄лан̇като’’ти. тасса матакачӣварам̣ адхит̣т̣ха̄ти. два̄дхит̣т̣хитам̣. йасса пахиййати тасса висса̄са̄ ган̣ха̄ти. суггахитам̣.

идха пана, бхиккхаве, бхиккху бхиккхусса хаттхе чӣварам̣ пахин̣ати – ‘‘имам̣ чӣварам̣ иттханна̄масса даммӣ’’ти. со антара̄магге сун̣а̄ти – ‘‘йасса пахиййати со ка̄лан̇като’’ти. тасса матакачӣварам̣ адхит̣т̣ха̄ти. сва̄дхит̣т̣хитам̣. йо пахин̣ати тасса висса̄са̄ ган̣ха̄ти. дуггахитам̣.

идха пана, бхиккхаве, бхиккху бхиккхусса хаттхе чӣварам̣ пахин̣ати – ‘‘имам̣ чӣварам̣ иттханна̄масса даммӣ’’ти. со антара̄магге сун̣а̄ти ‘‘убхо ка̄лан̇ката̄’’ти. йо пахин̣ати тасса матакачӣварам̣ адхит̣т̣ха̄ти. два̄дхит̣т̣хитам̣. йасса пахиййати тасса матакачӣварам̣ адхит̣т̣ха̄ти. сва̄дхит̣т̣хитам̣.

дуггахитасуггахита̄дикатха̄ нит̣т̣хита̄.