90. умматтакасаммути

167. атха кхо бхагава̄ бхиккхӯ а̄мантеси – ‘‘саннипататха, бхиккхаве, аттхи сан̇гхасса каран̣ӣйа’’нти. евам̣ вутте ан̃н̃атаро бхиккху бхагавантам̣ етадавоча – ‘‘аттхи, бханте, гагго на̄ма бхиккху умматтако, со ана̄гато’’ти.

‘‘двеме, бхиккхаве, умматтака̄ – аттхи, бхиккхаве, бхиккху умматтако саратипи упосатхам̣ напи сарати, саратипи сан̇гхакаммам̣ напи сарати, аттхи нева сарати; а̄гаччхатипи упосатхам̣ напи а̄гаччхати, а̄гаччхатипи сан̇гхакаммам̣ напи а̄гаччхати, аттхи нева а̄гаччхати. татра, бхиккхаве, йва̄йам̣ умматтако саратипи упосатхам̣ напи сарати, саратипи сан̇гхакаммам̣ напи сарати, а̄гаччхатипи упосатхам̣ напи а̄гаччхати, а̄гаччхатипи сан̇гхакаммам̣ напи а̄гаччхати, ануджа̄на̄ми, бхиккхаве, еварӯпасса умматтакасса умматтакасаммуттим̣ да̄тум̣. еван̃ча пана, бхиккхаве, да̄табба̄. бйаттена бхиккхуна̄ пат̣ибалена сан̇гхо н̃а̄петаббо –

‘‘сун̣а̄ту ме, бханте, сан̇гхо. гагго бхиккху умматтако – саратипи упосатхам̣ напи сарати, саратипи сан̇гхакаммам̣ напи сарати, а̄гаччхатипи упосатхам̣ напи а̄гаччхати, а̄гаччхатипи сан̇гхакаммам̣ напи а̄гаччхати. йади сан̇гхасса паттакаллам̣, сан̇гхо гаггасса бхиккхуно умматтакасса умматтакасаммутим̣ дадеййа. сареййа ва̄ гагго бхиккху упосатхам̣ на ва̄ сареййа, сареййа ва̄ сан̇гхакаммам̣ на ва̄ сареййа, а̄гаччхеййа ва̄ упосатхам̣ на ва̄ а̄гаччхеййа, а̄гаччхеййа ва̄ сан̇гхакаммам̣ на ва̄ а̄гаччхеййа, сан̇гхо саха ва̄ гаггена вина̄ ва̄ гаггена упосатхам̣ кареййа, сан̇гхакаммам̣ кареййа. еса̄ н̃атти.

‘‘сун̣а̄ту ме, бханте, сан̇гхо. гагго бхиккху умматтако – саратипи упосатхам̣ напи сарати, саратипи сан̇гхакаммам̣ напи сарати, а̄гаччхатипи упосатхам̣ напи а̄гаччхати, а̄гаччхатипи сан̇гхакаммам̣ напи а̄гаччхати. сан̇гхо гаггасса бхиккхуно умматтакасса умматтакасаммутим̣ дети. сареййа ва̄ гагго бхиккху упосатхам̣ на ва̄ сареййа, сареййа ва̄ сан̇гхакаммам̣ на ва̄ сареййам̣, а̄гаччхеййа ва̄ упосатхам̣ на ва̄ а̄гаччхеййа, а̄гаччхеййа ва̄ сан̇гхакаммам̣ на ва̄ а̄гаччхеййа, сан̇гхо саха ва̄ гаггена, вина̄ ва̄ гаггена упосатхам̣ кариссати, сан̇гхакаммам̣ кариссати. йасса̄йасмато кхамати гаггасса бхиккхуно умматтакасса умматтакасаммутийа̄ да̄нам̣ – сареййа ва̄ гагго бхиккху упосатхам̣ на ва̄ сареййа, сареййа ва̄ сан̇гхакаммам̣ на ва̄ сареййа, а̄гаччхеййа ва̄ упосатхам̣ на ва̄ а̄гаччхеййа, а̄гаччхеййа ва̄ сан̇гхакаммам̣ на ва̄ а̄гаччхеййа, сан̇гхо саха ва̄ гаггена, вина̄ ва̄ гаггена упосатхам̣ кариссати, сан̇гхакаммам̣ кариссати, со тун̣хасса; йасса наккхамати, со бха̄сеййа.

‘‘динна̄ сан̇гхена гаггасса бхиккхуно умматтакасса умматтакасаммути. сареййа ва̄ гагго бхиккху упосатхам̣ на ва̄ сареййа, сареййа ва̄ сан̇гхакаммам̣ на ва̄ сареййа, а̄гаччхеййа ва̄ упосатхам̣ на ва̄ а̄гаччхеййа, а̄гаччхеййа ва̄ сан̇гхакаммам̣ на ва̄ а̄гаччхеййа, сан̇гхо саха ва̄ гаггена вина̄ ва̄ гаггена упосатхам̣ кариссати, сан̇гхакаммам̣ кариссати. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.