2. ӯнапан̃чабандханасиккха̄падаван̣н̣ана̄

610. дутийасиккха̄паде хаттхесу пин̣д̣а̄йа чаратӣти па̄л̣ипадасса хаттхесу лабхитаббапин̣д̣аттха̄йа чаратӣти аттхо ведитаббо.

612-613. ‘‘тасса со апаттоти вачанато со патто адхит̣т̣ха̄нампи виджахати апаттатта̄. апаттабха̄ватойева хи ‘пан̃чабандханам̣ паттам̣ чета̄петӣ’ти па̄л̣ийам̣ на вутта’’нти тӣсупи ган̣т̣хипадесу вуттам̣. кечи пана ‘‘апаттоти идам̣ ‘ан̃н̃ам̣ паттам̣ вин̃н̃а̄петум̣ ват̣т̣атӣ’ти дассанаттхам̣ вуттам̣, со пана патто адхит̣т̣ха̄нам̣ на виджахатӣ’’ти ваданти, там̣ йуттам̣ вийа диссати ‘‘йасса пан̃ча ека̄йева ва̄ дасан̇гула̄, со баддхопи абаддхопи апаттойева̄’’ти ваккхама̄натта̄. на хи мукхават̣т̣ийа̄ пан̃часу т̣ха̄несу дван̇гуламатта̄хи ра̄джӣхи адхит̣т̣ха̄нам̣ виджахатӣти сакка̄ ваттум̣, ека̄йа пана ра̄джийа̄ дасан̇гула̄йа саче таттха вуттаппама̄н̣о чхиддо пан̃н̃а̄йати, чхидденева адхит̣т̣ха̄навиджаханам̣ сийа̄ти йуттам̣ ваттум̣. бандханока̄се сати асати ва̄ бандханавирахито патто абандханоти вутто, бандханока̄савирахитойева пана абандханока̄соти вутто.

типусуттакена ва̄ бандхитва̄ти еттха ‘‘бандхитаббо’’ти па̄т̣хо гахетаббо. пура̄н̣апоттхакепи хи айамева па̄т̣хо диссати. суддхехи…пе… на ват̣т̣атӣти идам̣ ун̣хабходжане паккхитте вилӣйама̄натта̄ вуттам̣. пха̄н̣итам̣ джха̄петва̄ па̄са̄н̣ачун̣н̣ена бандхитум̣ ват̣т̣атӣти па̄са̄н̣ачун̣н̣ена саддхим̣ пха̄н̣итам̣ пачитва̄ татха̄паккена па̄са̄н̣ачун̣н̣ена бандхитум̣ ват̣т̣ати.

615. анукампа̄йа на ган̣хантасса дуккат̣анти вуттатта̄ йасса со патто на руччати, тассапи аган̣хантасса ана̄патти. тенева ма̄тика̄т̣т̣хакатха̄йам̣ (кан̇кха̄. ат̣т̣ха. ӯнапан̃чабандханасӣккха̄падаван̣н̣ана̄) вуттам̣ ‘‘саче тхерасса патто на руччати, аппиччхата̄йа ва̄ на ган̣ха̄ти, ват̣т̣атӣ’’ти. паттапарийантоти парийантапатто, аваса̄напаттоти аттхо. ‘‘сан̇гхамаджджхе паттам̣ га̄ха̄пентена аладжджим̣ ага̄ха̄петум̣ ват̣т̣атӣ’’ти ваданти. ‘‘ануджа̄на̄ми бхиккхаве а̄дха̄раканти вуттатта̄ пӣт̣ха̄дӣсу йаттха каттхачи а̄дха̄рам̣ т̣хапетва̄ таттха паттам̣ т̣хапетум̣ ват̣т̣ати а̄дха̄рат̣хапанока̄сасса анийамитатта̄’’ти ваданти. апарибхогена̄ти айуттапарибхогена.

616. па̄л̣ийам̣ ‘‘абандханена паттена абандханам̣ паттам̣. екабандханам̣ паттам̣… двибандханам̣ паттам̣… тибандханам̣… чатубандханам̣… абандханока̄сам̣… ека… дви… ти… чатубандханока̄сам̣ паттам̣ чета̄петӣ’’ти евам̣ екекена паттена дасадха̄ дасавидхам̣ паттам̣ чета̄панавасена еканиссаггийапа̄читтийасатам̣ вуттам̣. имасмим̣ сиккха̄паде пама̄н̣айуттам̣ аггахитака̄л̣аван̣н̣ампи паттам̣ вин̃н̃а̄пентасса а̄паттийева̄ти дат̣т̣хаббам̣. адхит̣т̣ха̄нупагапаттасса ӯнапан̃чабандханата̄, аттуддесиката̄, акатавин̃н̃атти, та̄йа ча пат̣ила̄бхоти има̄неттха чатта̄ри ан̇га̄ни.

ӯнапан̃чабандханасиккха̄падаван̣н̣ана̄ нит̣т̣хита̄.