11. дутийасан̇гхабхедасиккха̄падаван̣н̣ана̄

417-418. ека̄дасаме йам̣ вачанам̣ самаггепи вагге авайавабхӯте кароти бхиндати, там̣ калахака̄ракавачанам̣ идха вагганти вуччатӣти а̄ха ‘‘ваггам̣ аса̄маггипаккхийавачанам̣ вадантӣ’’ти. аса̄маггипаккхе бхава̄ аса̄маггипаккхийа̄, калахака̄. тесам̣ вачанам̣ аса̄маггипаккхийавачанам̣, аса̄маггипаккхе ва̄ бхавам̣ вачанам̣ аса̄маггипаккхийавачанам̣. йасма̄ убба̄хика̄дикаммам̣ бахӯнампи ка̄тум̣ ват̣т̣ати, тасма̄ ‘‘на хи сан̇гхо сан̇гхасса каммам̣ каротӣ’’ти идам̣ ниггахавасена каттаббакаммам̣ сандха̄йа вуттанти ведитаббам̣. ан̇га̄ни панеттха бхеда̄йа параккаманам̣ паха̄йа ануваттанам̣ паккхипитва̄ хет̣т̣ха̄ вуттасадиса̄нева.

дутийасан̇гхабхедасиккха̄падаван̣н̣ана̄ нит̣т̣хита̄.