1. а̄васатхапин̣д̣асиккха̄падаван̣н̣ана̄

206. бходжанаваггасса пат̣хамасиккха̄паде аддхайоджанам̣ ва̄ йоджанам̣ ва̄ гантум̣ саккотӣти еттха таттакам̣ гантум̣ сакконтассапи та̄ватакам̣ гантва̄ аладдхабхиккхасса ито бхун̃джитум̣ ват̣т̣ати. имесам̣йева̄ти имесам̣ па̄сан̣д̣а̄нам̣йева. еттака̄нанти имасмим̣ па̄сан̣д̣е еттака̄нам̣. екадивасам̣ бхун̃джитаббанти екадивасам̣ саким̣йева бхун̃джитаббам̣. ‘‘екадивасам̣ бхун̃джитабба’’нти вачанато пана екасмим̣ дивасе пунаппунам̣ бхун̃джитум̣ ват̣т̣атӣти на гахетаббам̣. пуна а̄дито пат̣т̣ха̄йа бхун̃джитум̣ на ват̣т̣атӣти имина̄ пат̣хамам̣ бхуттат̣т̣ха̄несу пуна екасмимпи т̣ха̄не бхун̃джитум̣ на ват̣т̣атӣти дассети.

208. ‘‘гаччханто ва̄ а̄гаччханто ва̄ти идам̣ аддхайоджанавасена гахетабба’’нти ваданти. антара̄магге гатат̣т̣ха̄нети екассева сантакам̣ сандха̄йа вуттам̣. ‘‘а̄гаччхантепи есева найо’’ти сан̇кхепена вуттамеваттхам̣ вибха̄венто ‘‘гантва̄ пачча̄гаччханто’’тиа̄дима̄ха. а̄паттит̣т̣ха̄нейева пуна бхун̃джантасса ана̄патти ваттабба̄ти гамане а̄гамане ча пат̣хамам̣ бходжанам̣ аватва̄ антара̄магге екадивасам̣ гатат̣т̣ха̄не ча екадивасанти пунаппунам̣ бходжанамева дасситам̣, гаманадивасе пана а̄гаманадивасе ча ‘‘гамисса̄ми а̄гамисса̄мӣ’’ти бхун̃джитум̣ ват̣т̣атийева. суддхачиттена пунаппунам̣ бхун̃джантассапи пунаппунам̣ бходжане ана̄патти. ан̃н̃ассаттха̄йа уддиситва̄ пан̃н̃аттам̣ бхиккхуно гахетумева на ват̣т̣атӣти а̄ха ‘‘бхиккхӯнам̣йева аттха̄йа̄’’ти. сесаметтха утта̄намева. а̄васатхапин̣д̣ата̄, агила̄ната̄, ануваситва̄ бходжананти има̄ни панеттха тӣн̣и ан̇га̄ни.

а̄васатхапин̣д̣асиккха̄падаван̣н̣ана̄ нит̣т̣хита̄.