3. песун̃н̃асиккха̄падаван̣н̣ана̄

36. татийе бхан̣д̣анам̣ джа̄там̣ етесанти бхан̣д̣анаджа̄та̄. саммантананти рахо сам̣санданам̣. хаттхапара̄ма̄са̄дивасена маттхакам̣ патто калахо джа̄то етесанти калахаджа̄та̄. ана̄паттига̄микам̣ вируддхава̄дабхӯтам̣ вива̄дам̣ а̄панна̄ти вива̄да̄панна̄. виггахасам̣ваттаника̄ катха̄ вигга̄хикакатха̄. писатӣти писун̣а̄, ва̄ча̄, самагге сатте авайавабхӯте вагге бхинне каротӣти аттхо. писун̣а̄ ева песун̃н̃ам̣. та̄йа ва̄ча̄йа ва̄ саманна̄гато писун̣о, тасса каммам̣ песун̃н̃ам̣. пийабха̄васса сун̃н̃акаран̣ава̄чанти имина̄ пана ‘‘пийасун̃н̃акаран̣ато писун̣а̄’’ти нируттинайена аттхам̣ вадати.

идха̄пи ‘‘дасаха̄ка̄рехи песун̃н̃ам̣ упасам̣харатӣ’’ти вачанато дасавидхааккосаваттхувасенева песун̃н̃ам̣ упасам̣харантасса па̄читтийам̣. па̄л̣имуттака̄нам̣ чоротиа̄дӣнам̣ васена пана дуккат̣амева̄ти ведитаббам̣. ‘‘анаккосаваттхубхӯтам̣ пана песун̃н̃акарам̣ тасса кирийам̣ вачанам̣ ва̄ пийакамйата̄йа упасам̣харантасса кин̃ча̄пи имина̄ сиккха̄падена а̄патти на диссати, татха̄пи дуккат̣енеттха бхавитабба’’нти ваданти. джа̄тиа̄дӣхи анан̃н̃а̄падесена аккосантасса бхиккхуно сутва̄ бхиккхусса упасам̣харан̣ам̣, пийакамйата̄бхеда̄дхиппа̄йесу ан̃н̃атарата̄, тасса виджа̄нана̄ти има̄неттха тӣн̣и ан̇га̄ни.

песун̃н̃асиккха̄падаван̣н̣ана̄ нит̣т̣хита̄.