маха̄сан̇га̄мам̣

вохарантена джа̄нитабба̄диван̣н̣ана̄

368-374. маха̄сан̇га̄ме па̄л̣ийам̣ сан̇га̄ма̄вачарена̄ти анувиджджакам̣ сандха̄йа вуттам̣. ваттхӯти метхуна̄дивӣтиккамо. нида̄нанти веса̄лиа̄дипан̃н̃аттит̣т̣ха̄нам̣. пуггало ака̄рако джа̄нитабботи еттха сан̇гхе ва̄ ган̣е ва̄ парин̣а̄йакабхӯто пуггалоти дат̣т̣хаббам̣.

375. виссат̣т̣хисиккха̄паданти нӣла̄дидасаннам̣ сукка̄нам̣ мочанавасена вуттам̣ суккависсат̣т̣хисиккха̄падам̣. тан̃хи тела̄димандаван̣н̣а̄нам̣ нӣла̄дипачураван̣н̣а̄нам̣ васена ‘‘ван̣н̣а̄ван̣н̣а̄’’ти вуттам̣. пачураттхе хи идха аван̣н̣оти а-ка̄ро.

379. йа̄ва аканит̣т̣хабрахма̄но двидха̄ хонтӣти еттха авиха̄дисуддха̄ва̄сика̄ ан̃н̃абхӯмӣсу арийа̄ дхаммава̄дӣпаккхам̣ ева бхаджанти, итаре дувидхампӣти дат̣т̣хаббам̣.

вохарантена джа̄нитабба̄диван̣н̣ана̄ нит̣т̣хита̄.