чодана̄кан̣д̣ам̣

анувиджджакакиччаван̣н̣ана̄

360. па̄л̣ийам̣ йам̣ кхо твантиа̄дӣсу твам̣, а̄вусо, йам̣ имам̣ бхиккхум̣ чодеси, там̣ кимхи досе чодеси, катара̄йа випаттийа̄ чодесӣти аттхо. евам̣ саббаттха.

361. асуддхапарисан̇китоти асуддха̄йа ат̣т̣ха̄не уппанна̄йа парисан̇ка̄йа парисан̇кито. тена̄ха ‘‘амӯлакапарисан̇кито’’ти.

364. па̄л̣ийам̣ упосатхо са̄маггаттха̄йа̄ти висуддха̄нам̣ бхиккхӯнам̣ ан̃н̃он̃н̃анирапеккхо ахутва̄ упосатхо упосатхат̣т̣ха̄нам̣ саннипатитва̄ ‘‘па̄рисуддхим̣ а̄йасманто а̄рочетха, парисуддхеттха̄йасманто, парисуддхо ахам̣ а̄вусо’’тиа̄дина̄ ан̃н̃аман̃н̃ам̣ парисуддхивӣмам̣сана̄рочанавасена айутте виваджджетва̄ йуттехева ка̄йачиттаса̄маггӣкаран̣аттха̄йа.

висуддха̄йа пава̄ран̣а̄ти дит̣т̣хасута̄дӣхи ан̃н̃аман̃н̃ам̣ катха̄петва̄ висуддхисампа̄данаттха̄йа̄ти аттхо. убхо етети а̄мисапуггаланиссайане ете убхо.

анувиджджакакиччаван̣н̣ана̄ нит̣т̣хита̄.