3. уджджха̄панакасиккха̄падаван̣н̣ана̄

103. татийе чинта̄йанаттхасса джхе-дха̄тусса анекаттхата̄йа олоканаттхасамбхавато вуттам̣ ‘‘олока̄пентӣ’’ти. чханда̄йа̄ти лин̇гавипалла̄соти а̄ха ‘‘чхандена̄’’ти.

105. бхиккхум̣ ла̄макато чинта̄панаттхам̣ ан̃н̃есам̣ там̣ аван̣н̣акатханам̣ уджджха̄панам̣ на̄ма. ан̃н̃есам̣ пана аватва̄ ан̃н̃аман̃н̃ам̣ самуллапанавасена бхиккхуно досаппака̄санам̣ кхиййанам̣ на̄ма̄ти айаметесам̣ бхедо.

106. ан̃н̃ам̣ анупасампаннам̣ уджджха̄петӣти ан̃н̃ена анупасампаннена уджджха̄пети. тасса ва̄ там̣ сантикети тасса анупасампаннасса сантике там̣ сан̇гхена самматам̣ упасампаннам̣ кхиййати. идха̄пи муса̄ва̄дена уджджха̄пана̄дӣнам̣ самбхавато дуккат̣ат̣т̣ха̄на̄ни ча а̄дикаммикасса ана̄патти ча имина̄ ева сиккха̄падена вутта̄ти ведитаббам̣ саббаттха муса̄ва̄дапа̄читтийасса аниваттито. дхаммакаммена самматата̄, упасампанната̄, агатигамана̄бха̄во, тасса аван̣н̣ака̄мата̄, йасса сантике вадати. тасса упасампанната̄, уджджха̄панам̣ ва̄ кхиййанам̣ ва̄ти има̄неттха чха ан̇га̄ни.

уджджха̄панакасиккха̄падаван̣н̣ана̄ нит̣т̣хита̄.