4. падасодхаммасиккха̄падаван̣н̣ана̄

45. чатуттхе пуримабйан̃джанена садисанти ‘‘рӯпам̣ аничча’’нти еттха аничча-саддена садисам̣ ‘‘ведана̄ аничча̄’’ти еттха аничча-саддам̣ вадати. аккхарасамӯхоти авибхаттико вутто. паданти вибхаттиантам̣ вуттам̣.

екам̣ паданти га̄тха̄падамева сандха̄йа вадати. падаган̣ана̄йа̄ти га̄тха̄падаган̣ана̄йа. апа̄пун̣итва̄ти саддхим̣ акатхетва̄. етена га̄тха̄йа паччхимапа̄де вуччама̄не са̄ман̣еро пат̣хамапа̄да̄дим̣ вадати, а̄паттийева, тасмим̣ ниссадде ева итарена ваттаббанти дассети.

ат̣т̣хакатха̄нисситоти сан̇гӣтиттайа̄рул̣хам̣ пора̄н̣ат̣т̣хакатхам̣ сандха̄йа вадати. ида̄нипи ‘‘йатха̄пи дӣпико на̄ма, нилӣйитва̄ ган̣хате миге’’ти (ми. па. 6.1.5; висуддхи. 1.217; дӣ. ни. ат̣т̣ха. 2.374; ма. ни. ат̣т̣ха. 1.107; па̄ра̄. ат̣т̣ха. 2.165; пат̣и. ма. ат̣т̣ха. 2.1.163) евама̄дикам̣ ат̣т̣хакатха̄вачанам̣ аттхева, буддхагхоса̄чарийа̄дӣхи пора̄н̣ат̣т̣хакатха̄найена вуттампи идха сан̇гахетаббанти ваданти. па̄л̣инисситоти уда̄наваггасан̇гаха̄дико. виват̣т̣ӯпанисситанти нибба̄нанисситам̣. тхерасса̄ти на̄гасенаттхерасса. маггакатха̄дӣни пакаран̣а̄ни.

46. па̄л̣ийам̣ аккхара̄йа̄тиа̄ди лин̇гавипалла̄сена вуттам̣, аккхарена̄тиа̄дина̄ аттхо гахетаббо.

48. упача̄рам̣ мун̃читва̄ти париса̄йа два̄дасахаттхам̣ мун̃читва̄ екато т̣хитасса ва̄ нисиннасса ва̄ анупасампаннасса акатхетва̄ ан̃н̃е уддисса бхан̣антасса̄пи ана̄патти. саче пана дӯре нисиннампи уддисса бхан̣ати, а̄патти ева. опа̄тетӣти саддхим̣ катхети. анупасампанната̄, вутталаккхан̣адхаммам̣ падасо ва̄чаната̄, екато бхан̣анан̃ча̄ти има̄неттха тӣн̣и ан̇га̄ни.

падасодхаммасиккха̄падаван̣н̣ана̄ нит̣т̣хита̄.