10. дасаманиссаггийапа̄читтийасиккха̄падаван̣н̣ана̄

779. дасаме пана ‘‘йа̄ пана бхиккхунӣ ан̃н̃адаттхикена париккха̄рена ан̃н̃уддисикена пуггаликена ан̃н̃ам̣ чета̄пеййа, ниссаггийам̣ па̄читтийа’’нти евам̣видхена бхавитаббам̣, ‘‘пуггаликена сам̣йа̄чикена̄’’ти имина̄ ека̄дасамена бхавитаббам̣ сийа̄ йатха̄ккамена самбхавато. ка̄мамева четам̣ ат̣т̣хуппаттийа̄ абха̄вато на вуттам̣, аттхато пана гахетаббамева. еттха пана сан̇гхаган̣апуггала̄нам̣ пава̄ритат̣т̣ха̄не, пуггалассева н̃а̄такат̣т̣ха̄не ча ана̄паттичха̄йа̄ диссати, идам̣ саббам̣ амха̄кам̣ такка̄нуса̄равасенева вуттанти катва̄ на са̄рато дат̣т̣хаббам̣. вича̄ретва̄ йатха̄ ниччалака̄ран̣ам̣ дисва̄ йам̣ ва̄ винайаккамаковида̄ ануджа̄нанти, там̣ тадева гахетаббам̣. пора̄н̣аган̣т̣хипаде пана ‘‘а̄пада̄супи ан̃н̃ам̣ гарубхан̣д̣амева чета̄петаббам̣, итарам̣ на ват̣т̣ати, бхиккхусса пана ват̣т̣атӣ’’ти вуттам̣.

дасаманиссаггийапа̄читтийасиккха̄падаван̣н̣ана̄ нит̣т̣хита̄.