11. ека̄дасаманиссаггийапа̄читтийасиккха̄падаван̣н̣ана̄

784. ‘‘дутийаваггасса пат̣хаме’’ти аватва̄ ‘‘ека̄дасаме’’ти идха вуттам̣. касма̄? бхиккхунивибхан̇ге тим̣сакакан̣д̣ам̣ патва̄ ваггаккамасса авуттатта̄. йасма̄ пава̄ритат̣т̣ха̄не вин̃н̃атти на̄ма на пат̣иседхетабба̄, тасма̄ бхагава̄ ан̃н̃а̄тикааппава̄ритат̣т̣ха̄не дхамманимантанавасена вадеййа ‘‘йенаттхо’’ти вутта̄йа ‘‘чатуккам̣сапарамам̣ вин̃н̃а̄петабба’’нти париччхедам̣ дассетӣти ведитаббам̣. ан̃н̃атха̄ ‘‘нида̄нена сиккха̄падам̣ на самети, сиккха̄падена ча ана̄паттива̄ро’’ти ча ‘‘акатавин̃н̃аттийа̄ чатуккам̣сапарамам̣ вин̃н̃а̄петабба’’нти ча анит̣т̣хам̣ а̄паджджати, тасма̄ ма̄тика̄т̣т̣хакатха̄йам̣ чета̄петаббанти т̣хапетва̄ сахадхаммике ча н̃а̄такапава̄рите ча ан̃н̃ена кисмин̃чидева гун̣ена, паритут̣т̣хена ча вадеййа ‘‘йенаттхо’’ти вуттасса ‘‘вин̃н̃а̄петабба’’нти вуттанайена аттхо дат̣т̣хаббо. пора̄н̣аган̣т̣хипаде пана ‘‘идам̣ париччхиннапава̄ран̣ам̣ сандха̄йа вуттам̣. ана̄патти н̃а̄така̄нам̣ пава̄рита̄нанти пана саббаппака̄рена паваттам̣ ниччапава̄ран̣ам̣ сандха̄йа вуттам̣. ниччапава̄ран̣а̄ на̄ма йада̄ йенаттхо, тада̄ там̣ вадеййа̄тха̄ти евам̣ паватта̄. ‘ханда сӣтапа̄вуран̣а’нти дента̄нам̣ пана атирекачатуккам̣сампи гахетум̣ ват̣т̣атӣ’’ти вуттам̣. айамева найо дасамепӣти.

ека̄дасаманиссаггийапа̄читтийасиккха̄падаван̣н̣ана̄ нит̣т̣хита̄.

бхиккхунӣвибхан̇ге тим̣сакаван̣н̣ана̄ нит̣т̣хита̄.

ниссаггийакан̣д̣аван̣н̣ана̄ нит̣т̣хита̄.