кхандхакапуччха̄ва̄раван̣н̣ана̄

пуччха̄виссаджджана̄ван̣н̣ана̄

320. нида̄нам̣ на̄ма ка̄лан̃ча нагаран̃ча десо ча бхагава̄ ча. ваттхупуггала̄ди ниддесо. йа̄ни таттха упасампадаккхандхаке ‘‘на, бхиккхаве, ӯнавӣсативассо пуггало упасампа̄детаббо’’тиа̄дина̄ найена уттама̄ни пада̄ни вутта̄нӣти самбандхо. са̄ са̄ тасса тасса падасса а̄паттӣти вуччатӣти йа̄ ‘‘на, бхиккхаве, ӯнавӣсативассо пуггало упасампа̄детаббо’’ти падена пан̃н̃атта̄ а̄патти, са̄ тасса падасса̄ти адхиппа̄йо. чаммасам̣йуттети чаммаккхандхаке.