9. каммапат̣иба̄ханасиккха̄падаван̣н̣ана̄

474. ‘‘дхаммика̄нам̣ камма̄на’’нти (па̄чи. 475) вачанато екачче бхиккхӯ дхаммика̄нам̣ камма̄нам̣ ‘‘чхандам̣ даммӣ’’ти чхандам̣ денти, там̣ тесам̣ матиматтамева, на пат̣ипатти. адхаммам̣ нисса̄йа кхиййати, там̣ ва̄ уккот̣ети, ана̄патти нева хотӣти? на, татха̄ чхандада̄нака̄ле акатва̄ паччха̄ адхаммакаммакхиййана̄дипаччайа̄ ана̄паттива̄ре вуттатта̄. адхаммена ва̄ ваггена ва̄ на камма̄рахасса ва̄ каммакаран̣апаччайа̄ а̄паттимоккхакаран̣ато ависесамева татха̄вачананти че? на, чхандада̄нака̄ле адхаммакаммакаран̣а̄нуматийа̄ абха̄вато, ка̄ракассева ваджджаппасан̇гато ча. ган̣асса дуккат̣анти че? па̄рисуддхичхандада̄йака̄ва те, на ган̣о акаммаппаттатта̄, парива̄репи (пари. 482 а̄дайо) каммавагге каммаппаттачхандада̄йака̄ висум̣ вутта̄. татха̄пи адхаммакаммасса чхандо на да̄таббо денте акаппийа̄нуматидуккат̣ато. таттха хи йоджанадуккат̣ато на муччантӣти но таккоти а̄чарийо.

каммапат̣иба̄ханасиккха̄падаван̣н̣ана̄ нит̣т̣хита̄.