11. дуббаласиккха̄падаван̣н̣ана̄

484-5. ада̄сӣти апалокетва̄ ада̄си. бхиккхӯти еттха те чхаббаггийа̄ атта̄нам̣ париваджджайитва̄ ‘‘сан̇гхо’’ти аватва̄ ‘‘бхиккхӯ’’ти а̄хам̣су. парин̣а̄ментӣти ненти. таттха ла̄бхоти падуддха̄ракаран̣ам̣ идха анадхиппетассапи йасса кассачи аттхуддха̄равасена ла̄бхадӣпанаттхам̣. чӣварамева хи идха̄дхиппетам̣, тенева ‘‘ан̃н̃ам̣ париккха̄рам̣ диннам̣ кхӣйати, а̄патти дуккат̣асса̄’’ти вуттам̣. диннанти ча париккха̄ранти ча бхумматтхе упайогавачанам̣.

дуббаласиккха̄падаван̣н̣ана̄ нит̣т̣хита̄.