5. ӯнавӣсативассасиккха̄падаван̣н̣ана̄

404. пунаппунам̣ уппаджджанато бахудха̄. ха̄йанавад̣д̣хананти ма̄тукуччхисмим̣ че два̄дасаннам̣ ма̄са̄нам̣ ӯната̄йа ха̄йанам̣ катам̣. пасӯтасса вад̣д̣ханам̣ ка̄таббам̣. ма̄тукуччхисмим̣ че вад̣д̣ханам̣ катам̣. пасӯтасса ха̄йанам̣ ка̄таббам̣. никкхаманӣйапун̣н̣ама̄сӣ на̄ма са̄ван̣ама̄сасса пун̣н̣ама̄сӣ. ‘‘па̄т̣ипададивасети дутийе упагаччхати дивасе’’ти ликхитам̣. со хи пасӯтадивасато пат̣т̣ха̄йа парипун̣н̣авӣсативассо хоти. авасеса̄нам̣ двиннам̣ васса̄нам̣ адхикадиваса̄ни хонтева, тасма̄ никкан̇кха̄ хутва̄ упасампа̄денти. там̣ сандха̄йа̄ти габбхавассан̃ча пава̄ретва̄ ладдхавассан̃ча аган̣етва̄ джа̄тадивасато пат̣т̣ха̄йа ган̣етва̄ екӯнавӣсативассам̣. екӯнавӣсативассоти ‘‘габбхавассам̣ ева паха̄йа̄’’ти ликхитам̣, там̣ дулликхитам̣.

406. ан̃н̃ам̣ упасампа̄детӣти упаджджха̄йо ва̄ а̄чарийо ва̄ хутва̄ упасампа̄дети. ‘‘опапа̄тикасса сол̣асавассуддесикабха̄вато пуна чатта̄ро вассе атиккамитва̄ упасампада̄ ка̄табба̄’’ти а̄чарийа̄ вадантӣти кечи.

ӯнавӣсативассасиккха̄падаван̣н̣ана̄ нит̣т̣хита̄.