5. пат̣хамапава̄ран̣асиккха̄падаван̣н̣ана̄

236. йа̄вадаттхапава̄ран̣а̄йа пава̄рита̄ кин̃ча̄пи ‘‘пава̄рита̄’’иччева адхиппета̄ ат̣т̣хуппаттийа̄ва, атха кхо паччхима̄ва идха̄дхиппета̄.

237. ‘‘аламетам̣ сабба’’нти вуттатта̄ атириттам̣ на̄ма хоти. бхиккхусса идампи те адхикам̣, ито ан̃н̃ам̣ на лаччхатӣти кира аттхо.

238-9. ‘‘асанам̣ пан̃н̃а̄йатӣ’’ти етенева ‘‘бхутта̄вӣ’’ти етасса сиддхатта̄ висум̣ аттхасиддхи наттхи. йади аттхи, ан̇га̄нам̣ чхаккаттадассананти. вуттампи четантиа̄ди пава̄ран̣ан̇га̄нам̣ пан̃чакаттадассанам̣. варакоти йо кочи варако. ‘‘пава̄ран̣ам̣ пана джанетийева̄ти висум̣ ситтхам̣ водакам̣ каронти, пава̄ран̣ам̣ на джанети. йа̄гум̣ ва̄ пиванто пат̣хамам̣ удакам̣ пивати, ват̣т̣ати. авасит̣т̣хам̣ хет̣т̣ха̄ситтхам̣ пава̄ран̣ам̣ на джанетӣ’’ти ликхитам̣. упатиссаттхеро ‘‘джанетийева̄’’ти вадати, там̣ на иччханти а̄чарийа̄. бхаджджитапит̣т̣ханти тан̣д̣улачун̣н̣амева. бхаджджитасаттуйо пин̣д̣етва̄ катамодако саттумодако.

‘‘йа̄гуситтхаматта̄нева две…пе… пат̣иккхипати, на пава̄ретӣ’’ти вуттатта̄ парачан̇камаччха̄дайо паккхипитва̄ паккайа̄гум̣ пиванто саче ан̃н̃ам̣ та̄дисам̣йева пат̣иккхипати, пава̄ран̣а̄ на хотӣти кира дхаммасириттхеро. саче ан̃н̃ам̣ пат̣иккхипати, на пава̄рети. касма̄? асанасан̇кха̄тасса виппакатабходжанасса̄бха̄вато. бходжанаса̄ла̄йам̣ бхун̃джанто че, аттано апа̄пун̣анакот̣т̣ха̄сам̣ абхихат̣ам̣ пат̣иккхипати, на пава̄рети. ка̄мам̣ пат̣иккхипати, патте пана а̄ра̄мико а̄кирати, тато бхун̃джитум̣ на ват̣т̣ати. идан̃хи буддхаппат̣икут̣т̣хаанесана̄йа уппаннейева сан̇гахам̣ гаччхати. йатха̄ хи сан̇гхато уддхат̣апин̣д̣ам̣ дуссӣло дети, там̣ пат̣иккхипати, на пава̄рети, евам̣сампадамидам̣. ‘‘висабха̄го ладжджӣ че дети, там̣ тена самбхогам̣ акаттука̄мата̄йа пат̣иккхипати, пава̄ретӣти апаре’’ти вуттам̣. паривесана̄йа̄ти бхаттагге. ‘‘мам̣сена расам̣, мам̣сан̃ча расан̃ча мам̣сарасанти а̄паджджанато ‘мам̣сараса’нти вутте пат̣иккхепато хоти, мам̣сасса расам̣ мам̣сарасанти виггахо на̄дхиппето’’ти вуттам̣. мам̣сакарамбако на̄ма…пе… ват̣т̣атӣти суддхайа̄гу ева хоти. аппава̄ран̣амиссакакарамбакойева хоти, тасма̄ на пава̄рети, тена вуттам̣ парато ‘‘идан̃ча карамбакена на сама̄нетабба’’нтиа̄ди, тасма̄ ‘‘там̣ абхихаритва̄ кан̃джийам̣ ган̣хатха̄’ти вадантам̣ пат̣иккхипати, пава̄ран̣а̄ на хотӣ’’ти ча ‘‘миссакайа̄гум̣ ган̣хатха̄’ти авуттатта̄ ‘саммисситам̣ висум̣ катва̄ детӣ’ти вуттатта̄’’ти ча вуттам̣, йасма̄ йа̄гумиссаканти еттха пададвайе пава̄ран̣а̄рахасса на̄маггахан̣ам̣ наттхи, тасма̄ татра че йа̄гу бахутара̄ ва̄ хоти самасама̄ ва̄, на пава̄рети. касма̄? таттха абхиха̄ракапат̣иккхепака̄нам̣ йа̄гусан̃н̃атта̄. йа̄гу че манда̄, бхаттам̣ бахутарам̣, пава̄рети. касма̄? тесам̣ убхиннампи таттха бхиннасан̃н̃атта̄ти такко а̄чарийасса. бхаттамиссаке пава̄ран̣а̄рахасса на̄масса саббха̄вато саббада̄ пава̄рети ева. миссаке пана вуттанайена ка̄ран̣ам̣ ваттаббам̣. висум̣ катва̄ детӣти йатха̄ бхаттасит̣т̣хам̣ на патати, татха̄ га̄л̣хам̣ хаттхена пӣл̣етва̄ парисса̄ветва̄ дети.

акаппийакатанти еттха ‘‘каппийам̣ ака̄ра̄питехи кадалиппхала̄дӣхи саддхим̣ атириттам̣ каппийам̣ ка̄ра̄петва̄пи там̣ кадалиппхала̄дим̣ т̣хапетва̄ авасесам̣ бхун̃джитум̣ ват̣т̣ати. амиссакарасатта̄ пуна та̄ни каппийам̣ ка̄ра̄петва̄ ан̃н̃асмим̣ бха̄джане т̣хапетва̄ атириттам̣ ка̄ретва̄ бхун̃джитум̣ ват̣т̣ати. касма̄? пуббе тесу винайакаммасса ана̄рул̣хатта̄’’ти ваданти. ‘‘бхутта̄вина̄ ча пава̄ритена а̄сана̄ вут̣т̣хитена ката’’нти вачанато бхутта̄вина̄ аппава̄ритена а̄сана̄ вут̣т̣хитена каттаббанти сиддхам̣, тасма̄ ‘‘па̄това аддха̄нам̣ гаччхантесу двӣсу еко пава̄рито авут̣т̣хито таттха нисӣдати, со итарена пин̣д̣а̄йа чаритва̄ ладдхам̣ бхиккхам̣ аттана̄ абхутва̄пи ‘аламетам̣ сабба’нти ка̄тум̣ лабхати ева̄’’ти вуттам̣, там̣ суккапаккхе ‘‘бхутта̄вина̄ катам̣ хотӣ’’ти имина̄ва сиддхам̣, тасмим̣ паккхе аттано саттан̇га̄ни на пӯренти, кан̣хапаккхе пат̣ибха̄гена сатта вутта̄нӣти ведитаббам̣. бхутта̄вина̄ аппава̄ритена а̄сана̄ вут̣т̣хитена, авут̣т̣хитена ва̄ катам̣ хоти, ват̣т̣ати. ‘‘пава̄ритена а̄сана̄ авут̣т̣хитенева̄’’ти имам̣ пана аттхавикаппам̣ дӣпетум̣ ‘‘саттан̇га̄ни вутта̄нӣ’’типи ваттум̣ ват̣т̣ати. со пуна ка̄тум̣ на лабхати пат̣хамам̣ катасса пуна тенева каттаббаппасан̇гато. йан̃ча акатам̣, там̣ каттаббанти хи вуттам̣. атха сова пат̣хамо пуна каттука̄мо хоти, ан̃н̃асмим̣ бха̄джане пуббе акатам̣ ка̄тум̣ лабхати. дутийо пат̣хамабха̄джанепи ка̄тум̣ лабхати. ‘‘йена акатам̣, тена ка̄табба’’нти хи вуттам̣. имамеваттхам̣ сандха̄йа ‘‘йена йам̣ пат̣хамам̣ каппийам̣ катам̣, тамева со пуна ка̄тум̣ на лабхати, ан̃н̃ена ка̄табба’’нти ликхитам̣. таттха танти там̣ пат̣хамам̣ катанти аттхо. песетва̄ ка̄ретаббанти еттха анупасампанно че гато, татрат̣т̣хена екена бхиккхуна̄ пат̣игга̄хетва̄ апарена ка̄ретаббанти таттха екова евамева ка̄тум̣ на лабхатӣти. ‘‘йам̣ кин̃чи гила̄нам̣ уддисса̄’тиа̄дивачанато виха̄ра̄дӣсу гила̄насса па̄пун̣анакот̣т̣ха̄сампи гила̄на̄тириттам̣ на̄ма, тасма̄ ват̣т̣атӣ’’ти ваданти. а̄ха̄раттха̄йа̄ти вика̄ле ева̄ти еке.

241. ка̄йакаммам̣ аджджхохаран̣ато. вачӣкаммам̣ ва̄ча̄йа ‘‘атириттам̣ каротха бханте’’ти ака̄ра̄панена̄ти ведитаббам̣.

пат̣хамапава̄ран̣асиккха̄падаван̣н̣ана̄ нит̣т̣хита̄.