9. парипа̄читасиккха̄падаван̣н̣ана̄

192. чет̣акети да̄раке. тарун̣апотакети пора̄н̣а̄. ‘‘па̄пабхиккхӯнам̣ паккхупаччхеда̄йа идам̣ пан̃н̃аттам̣, тасма̄ пан̃ча бходжанейева̄патти вутта̄’’ти ликхитам̣.

194-7. ниппха̄дитанти вин̃н̃аттийа̄ на хоти, кинту парикатха̄дӣхи, тасма̄ имина̄ сиккха̄падена ана̄патти, там̣ сандха̄йа ‘‘саббаттха ана̄паттӣ’’ти вуттам̣. ‘‘катха̄нуса̄рена таттха пасӣдитва̄ денти, идам̣ парипа̄читам̣ на хоти, ват̣т̣антӣ’’ти пат̣хамасиккха̄паде вуттатта̄ти дхаммасириттхеро, упатиссаттхеро пана ‘‘итарампи ват̣т̣атийева̄’’ти а̄ха. пора̄н̣аган̣т̣хипаде пана ‘‘йасма̄ девадатто пакатийа̄ таттха бхиккхунипарипа̄читам̣ бхун̃джати, тасма̄ имам̣ ат̣т̣хуппаттим̣ нида̄нам̣ катва̄ идам̣ сиккха̄падам̣ пан̃н̃атта’’нти вуттам̣.

парипа̄читасиккха̄падаван̣н̣ана̄ нит̣т̣хита̄.