4. а̄мисасиккха̄падаван̣н̣ана̄

164. ‘‘упасампаннам̣ сан̇гхена асаммата’’нти па̄л̣ивачанато, ‘‘самматена ва̄ сан̇гхена ва̄ бха̄рам̣ катва̄ т̣хапито’’ти ат̣т̣хакатха̄вачанато ча ат̣т̣хахан̇гехи саманна̄гато самматена ва̄ виппаваситука̄мена ‘‘йа̄ва̄хам̣ а̄гамисса̄ми, та̄ва те бха̄ро хотӯ’’ти йа̄читва̄ т̣хапито, тасса̄бха̄вато сан̇гхена ва̄ татхева бха̄рам̣ катва̄ т̣хапито ат̣т̣хахи гарудхаммехи овадитум̣ лабхати, пагева ан̃н̃ена дхаммена̄ти сиддхам̣. ‘‘йо пана бхиккху асаммато бхиккхунийо овадеййа, па̄читтийа’’нти пагева бха̄рам̣ катва̄ ат̣т̣хапитам̣ сандха̄йа вуттанти ведитаббам̣. абхайагирива̄сӣнампи идамева матам̣, ануган̣т̣хипаде пана имам̣ найам̣ пат̣иккхипитва̄ ‘‘наттхи кочӣ’’тиа̄дина̄ ‘‘етарахи ова̄дако асаммато бхиккхунова̄дако на̄ма̄’’ти ватва̄ ‘‘йам̣ пана андхакат̣т̣хакатха̄йам̣ вуттам̣ ‘упасампаннам̣ сан̇гхена каммава̄ча̄йа асамматам̣, бхиккхусан̇гхена пана бхиккхунисан̇гхасса ануггахам̣ каротха, бхиккхунийо овадатха, бхиккхусан̇гхасса ча каротха пха̄сувиха̄ранти евам̣ йа̄читва̄ т̣хапито бхиккхусан̇гхам̣ а̄пуччхитва̄, тато со тхеро бхиккхунийо овадати, еварӯпам̣ бхиккхусан̇гхена асамматанти, татра вуттанайенева аттхо гахетаббо’’ти вуттам̣. пора̄н̣аган̣т̣хипаде пана ‘‘асаммато га̄мам̣ ова̄даттха̄йа а̄гата̄нам̣ бхиккхунӣнам̣ вачанам̣ сутва̄ пат̣ивачанам̣ денто сан̇гха̄нуматийа̄, на н̃аттичатуттхена̄’’ти вуттам̣, там̣ ануган̣т̣хипадаматена самети, андхакат̣т̣хакатха̄йам̣ вуттавачанам̣ тена самети, тан̃ча па̄л̣ивачанам̣, на хи ова̄дапат̣игга̄хако, па̄тимоккхуддесако ва̄ ‘‘па̄са̄дикена сампа̄детӯ’’ти вачанаматтена бхиккхунова̄дако на̄ма хоти. хотӣти че, анупасампаннопи таттакена вачанена ‘‘бхиккхунова̄дако хотӯ’’ти ваттаббо. хотӣти че, йам̣ вуттам̣ ган̣т̣ха̄нуган̣т̣хипадесу ‘‘асаммато на̄ма асамматабха̄вена ‘бахуссуто твам̣ овада̄хӣ’ти сан̇гхена бха̄рам̣ катва̄ т̣хапито’’ти. еттха ба̄хусаччена ким̣ пайоджанам̣. ануган̣т̣хипадейева ‘‘абхайагирива̄сӣ вадатӣти сутва̄ самматена ва̄ а̄н̣атто овадитум̣ лабхатӣти дхаммасириттхеро паччха̄ ануджа̄на̄тӣ’’ти вуттам̣. ким̣ бахука̄йа. ‘‘па̄са̄дикена сампа̄детӯ’’ти еттакаматтена бхиккхунова̄дако хоти. ат̣т̣хакатха̄йам̣ ‘‘бха̄рам̣ катва̄’’ти имина̄ ким̣ пайоджанам̣, таттакампи ваттум̣ ан̃н̃о на лабхати, тена ча ‘‘ануджа̄на̄ми, бхиккхаве, т̣хапетва̄ ба̄лам̣ гила̄нам̣ гамикам̣ авасесехи ова̄дам̣ гахету’’нти (чӯл̣ава. 414) айам̣ па̄л̣и вируджджхеййа. катхам̣? тасса хи ‘‘на, бхиккхаве, ова̄до на пачча̄харитаббо’’ти (чӯл̣ава. 415) чанато саммата̄самматабха̄вена наттхи кочӣти ‘‘па̄са̄дикена сампа̄детӯ’’ти ваттаббам̣ сийа̄, ваданто ча идха пат̣хамена а̄паттийа̄ ка̄ретаббо хотӣти. хоту асаммататта̄, акатабха̄ратта̄ ча. имасса ча бхиккхунова̄дакатте имасса кхӣйанена дуккат̣ам̣ сийа̄, саббаметам̣ анит̣т̣хам̣, тасма̄ ат̣т̣хакатха̄йам̣ ‘‘айаметтха бхиккхунова̄дако на̄ма̄’’ти авуттатта̄ татха̄ бха̄рам̣ катва̄ т̣хапито овадитум̣ лабхатийева, на̄н̃н̃оти а̄чарийо.

а̄мисасиккха̄падаван̣н̣ана̄ нит̣т̣хита̄.