5. дутийасена̄санасиккха̄падаван̣н̣ана̄

116-7. еттакамева вуттамат̣т̣хакатха̄су, татха̄пи падат̣т̣ха̄дайопи лаббханти ева. ануган̣т̣хипаде ‘‘ан̃н̃ам̣ аттхаран̣а̄ди акаппийатта̄ на вутта’’нти вуттам̣. ‘‘ман̃чам̣ ва̄ пӣт̣хам̣ ва̄ виха̄ре ва̄ виха̄рӯпача̄ре ва̄’ти имина̄пи сам̣санданаттхам̣ ‘кин̃ча̄пи вутто, атха кхо’тиа̄ди а̄раддха’’нти ча вуттам̣. упача̄раматтан̃четам̣ ‘‘руккхамӯле’’ти, таттха ваттаббам̣ наттхи.

118. ана̄пуччхитва̄пи гантум̣ ват̣т̣атӣти асатийа̄ гаччхатопи ана̄патти, а̄пуччханам̣ пана ваттам̣ сан̃чичча ана̄пуччхато ваттабхедадуккат̣атта̄. пуггаликасена̄сане сан̇гхикасеййам̣, сан̇гхикасена̄сане ва̄ пуггаликасеййам̣ аттхаритва̄ гаччхантасса дуккат̣ам̣ йуттам̣ вийа. касма̄? ‘‘сеййа̄маттамева нассеййа̄’’ти вуттатта̄. идха пана ‘‘палибуддхам̣ палибуддхо’’ти дувидхампи аттхи.

дутийасена̄санасиккха̄падаван̣н̣ана̄ нит̣т̣хита̄.