1. париман̣д̣алаваггаван̣н̣ана̄

576. ‘‘сиккхитасиккхена̄ти чатӯхи маггехӣ’’ти вуттам̣. йасма̄ ат̣т̣хан̇гуламаттам̣ ота̄ретва̄ ниваттхамева нисиннасса чатуран̇гуламаттам̣ хоти, тасма̄ убхопете ат̣т̣хакатха̄ва̄да̄ екапариччхеда̄, ‘‘ад̣д̣хатеййахаттха’’нти сукхумам̣, екапаттам̣ ва̄ сандха̄йа вуттам̣. тан̃хи йатха̄т̣ха̄нена тит̣т̣хати. дупат̣т̣ам̣ сандха̄йа ‘‘двихаттхаппама̄н̣ампӣ’’ти вуттанти упатиссаттхеро. екапат̣т̣ам̣, двипат̣т̣ам̣ ва̄ хет̣т̣химапариччхедена ‘‘двихаттхаппама̄н̣а’’нти вуттанти ведитаббам̣. вуттан̃хи ниссаггийаат̣т̣хакатха̄йам̣ ‘‘тирийам̣ двихаттхопи ват̣т̣атӣ’’ти, тан̃ча кхо ала̄бхе ева ‘‘ала̄бхе тирийам̣ двихаттхаппама̄н̣ампи ват̣т̣атӣ’’ти вуттатта̄. идам̣ саббам̣ адхит̣т̣ха̄нупагам̣ сандха̄йа вуттам̣. вируддхам̣ дисва̄ саджджетаббам̣. но че саджджети, дуккат̣ам̣. сачиттакам̣ пан̣н̣аттивиджа̄наначиттенева ‘‘ана̄дарийам̣ пат̣ичча̄’’ти вуттатта̄, на ваттхувиджа̄наначиттена ‘‘идамевам̣ ката’’нти джа̄натопи а̄паттийа̄ абха̄вато. пхуссадеваттхерава̄допи екена парийа̄йена йуджджати. татха̄ упатиссаттхерава̄допи. пан̃н̃аттепи сиккха̄паде апан̃н̃аттепи йам̣ пакатийа̄ ваджджам̣, там̣ локаваджджам̣. идам̣ пана пан̃н̃аттейева ваджджам̣, на̄пан̃н̃атте, тасма̄ итаралокаваджджена асадисатта̄ на локаваджджам̣. пан̣н̣аттито пат̣т̣ха̄йа ваджджато пан̣н̣аттиваджджам̣. ана̄дарийачиттенева а̄паджджитаббатта̄ сачиттакам̣, тасса читтасса тиведанатта̄ тиведанам̣. йасма̄ ана̄дарийачиттата̄ на̄ма кевалам̣ акусаламева, тан̃ча пакатийа̄ ваджджам̣, тасма̄ идам̣ локаваджджам̣. сан̃чичча вӣтиккаманам̣ на̄ма доманассикассева хотӣти дуккхаведанам̣. ган̣т̣хипаде пана ‘‘па̄н̣а̄типа̄та̄ди вийа нива̄сана̄дидосо локагарахито на хотӣти пан̣н̣аттиваджджанти пхуссадеваттхеро’’ти ликхитам̣.

577. виха̄репӣти буддхупат̣т̣ха̄на̄дика̄ле, тасма̄ ‘‘па̄рупитабба’’нти уттара̄сан̇гакиччавасена вуттам̣. пат̣хамадутийасиккха̄падесу парил̣а̄ха̄дипаччайа̄ каппати, на антарагхарапат̣исам̣йуттесу.

582. ‘‘екасмим̣ пана т̣ха̄не т̣хатва̄’’ти еттха ‘‘гаччхантопи париссайа̄бха̄вам̣ олокетум̣ лабхатийева. татха̄ га̄ме пӯджа’’нти ликхитам̣, там̣ пана ‘‘екасмим̣ т̣ха̄не т̣хатва̄’’ти вуттатта̄ та̄дисам̣ антара̄йам̣ сандха̄йа вуттанти ведитаббам̣.

париман̣д̣алаваггаван̣н̣ана̄ нит̣т̣хита̄.