6. суттавин̃н̃аттисиккха̄падаван̣н̣ана̄

637. чхат̣т̣хе кин̃ча̄пи ‘‘са̄мам̣ суттам̣ вин̃н̃а̄петва̄’’ти вуттам̣, ма̄тика̄т̣т̣хакатха̄йам̣ пана ‘‘чӣвараттха̄йа са̄мам̣ вин̃н̃аттам̣ сутта’’нти аватва̄ кевалам̣ ‘‘чӣвараттха̄йа вин̃н̃а̄питасутта’’нти ан̇гесу вуттатта̄ ан̃н̃ена чӣвараттха̄йа вин̃н̃аттам̣ суттампи сан̇гахам̣ гаччхатӣти ведитаббам̣. са̄манти четтха кассачи нийаманам̣. ‘‘са̄мам̣ вин̃н̃а̄петва̄’’ти кин̃ча̄пи вуттам̣, татха̄пи ‘‘са̄мам̣ ва̄йа̄пеййа̄’’ти аттано аттха̄йа ва̄йа̄пеййа̄ти евам̣ самбандхо, аттхо ча ведитаббо, па̄л̣ийам̣ пана а̄саннападена йоджана̄ ката̄, тасма̄ са̄мам̣ вин̃н̃аттам̣ суттанти ан̃н̃авин̃н̃аттам̣ каппийам̣ а̄паджджати, хаттхакаммайа̄чанавасена ладдхатантава̄йопи каппийо. викаппанупагапаччхимаппама̄н̣ам̣ че, танте вӣтам̣йева саким̣ адхит̣т̣ха̄таббам̣, пуна адхит̣т̣ха̄накиччам̣ наттхи адхит̣т̣хитена екӣбха̄вӯпагаманато. ‘‘саче пана париччхедам̣ дассетва̄ва чинаса̄т̣акам̣ вийа, антарантара̄ адхит̣т̣хитам̣ хоти, пуна адхит̣т̣ха̄табба’’нти вуттам̣. ‘‘пат̣ила̄бхена̄ти вачанена ва̄йа̄петва̄ т̣хапесса̄мӣтиа̄ди екасмим̣ антогадхам̣ хотӣ’’ти ваданти.

суттавин̃н̃аттисиккха̄падаван̣н̣ана̄ нит̣т̣хита̄.