1. косийасиккха̄падаван̣н̣ана̄

542. косийака̄ракоти еттха косам̣ каронтӣти ‘‘косака̄ра̄’’ти ладдхавоха̄ра̄нам̣ па̄н̣ака̄нам̣ косато ниббаттам̣ косийам̣ на̄ма. аттана̄ катам̣ че? ниссаджджанака̄ле ‘‘сайам̣ катам̣ ниссаггийа’’нти ваттаббам̣. убхохи че катам̣, йатха̄па̄т̣хамева ваттаббам̣. аттана̄ ча парехи ча виппакатам̣ аттана̄ парийоса̄петӣтиа̄дичатуккампи самбхавантам̣ на дасситам̣. винайадхаммата̄ хеса̄, йадидам̣ екасмим̣ тике ва̄ чатукке ва̄ дассите итарам̣ самбхавантампи на вуччатӣти.

косийасиккха̄падаван̣н̣ана̄ нит̣т̣хита̄.