6. сӯкаракхатавагго

1. са̄ласуттаван̣н̣ана̄

521. сӯрабха̄вена̄ти атисӯрабха̄вена. буджджханаттха̄йа̄ти саччапат̣иведха̄йа.

2. малликасуттаван̣н̣ана̄

522. чатта̄ри индрийа̄нӣти пан̃н̃индрийам̣ т̣хапетва̄ сеса̄ни чатта̄ри. ‘‘арийан̃а̄н̣ам̣ локуттара’’нти вуттам̣ магган̃а̄н̣ам̣ катва̄. арийа-саддо пана йатха̄ татха̄ висуддхепи хотӣти та̄дисам̣ сандха̄йа вуттам̣ ‘‘тампи пана̄’’тиа̄ди. йатха̄ хи чатта̄риндрийа̄ни миссака̄ни, евам̣ пан̃н̃индрийампи миссаканти вуччама̄не на кочи виродхоти адхиппа̄йена̄ха ‘‘тампи пана…пе… ват̣т̣атӣ’’ти.

3. секхасуттаван̣н̣ана̄

523. на саккоти индрийа̄нам̣ апарипаккатта̄. аттхӣти паджа̄на̄ти найагга̄хена, на паччаккхато. на хи арийа̄пи анадхигатам̣ маггапхалам̣ паччавеккхитум̣ сакконти.

6. патит̣т̣хитасуттаван̣н̣ана̄

526. са̄савесӯти чатура̄сававинимуттесу сесадхаммесу а̄рамман̣есу. тесупи уппаджджанакаанаттхато читтам̣ раккхати на̄ма.

8. сӯкаракхатасуттаван̣н̣ана̄

528. там̣ сандха̄йа̄ти там̣ сӯкаракхатален̣ам̣ сандха̄йа. етам̣ ‘‘сӯкаракхата̄йа’’нти вачанам̣ вуттам̣. бха̄ванапум̣саканти бха̄ваджотакам̣ напум̣сакавачанам̣ йатха̄ ‘‘висамам̣ ва̄та̄ ва̄йанти, екамантам̣ нисӣдӣ’’ти. киччапат̣ипатти тесам̣ сам̣ка̄санат̣т̣хена сапатисо, сапатисо ева саппатиссо, саджет̣т̣хакоти а̄ха ‘‘саппатиссоти саджет̣т̣хако’’ти.

сӯкаракхатаваггаван̣н̣ана̄ нит̣т̣хита̄.