7. бодхипаккхийаваггаван̣н̣ана̄

531-650. сатта̄нам̣ пхала̄нам̣ хетубхӯта̄ни ‘‘имесам̣ кхо, бхиккхаве, пан̃чаннам̣ индрийа̄нам̣ бха̄витатта̄’’тиа̄дина̄ вутта̄ни, пан̃чиндрийа̄нийева пхалӯпача̄рена ‘‘сатта пхала̄нӣ’’ти вутта̄ни. та̄ни ча пуббабха̄га̄ни ‘‘имесам̣, бхиккхаве, пан̃чаннам̣ индрийа̄нам̣ бха̄витатта̄…пе… сатта̄нисам̣са̄ па̄т̣икан̇кха̄’’ти вачанато. тесанти сатта̄нам̣ пхала̄нам̣. ‘‘двиннам̣ пхала̄нам̣ ан̃н̃атарам̣ пхала’’нти евам̣ атӣтасутте вутта̄ни хет̣т̣ха̄ две пхала̄ни на̄ма̄ти ваданти. йехи пана индрийехи ан̃н̃атра пана антара̄паринибба̄йим̣ сеса̄ни пхала̄ни хонти, та̄ни чатта̄ри сапуббабха̄га̄ни локуттара̄нӣти вуттам̣ сийа̄.

индрийасам̣йуттаван̣н̣ана̄ нит̣т̣хита̄.