1. джара̄дхаммасуттаван̣н̣ана̄

511. памукхе, па̄са̄дасса ча паччхимабха̄ге а̄тапо паччха̄тапо, тасмим̣ паччха̄тапе. со хи па̄са̄дасса памукхабха̄вена като. ким̣ пана бхагавато ваджираса̄рам̣ сарӣрам̣ ота̄петаббам̣ хотӣти а̄ха – ‘‘самма̄самбуддхасса̄’’тиа̄ди. айан̃ча имам̣ суттам̣ деситасамайе. на саккоти бйа̄маппабха̄йа ка̄йачи пабха̄йа анабхибхаванӣйатта̄. кин̃ча̄пи буддха̄бха̄ сӯрийа̄бха̄йа анабхибхаванӣйа̄, гхаммасабха̄вата̄йа пана расмӣнам̣ парито пхарантӣ сӯрийа̄бха̄ тикхин̣а̄ ун̣ха̄ти а̄ха ‘‘расмитеджа’’нти. ида̄ни таматтхам̣ упама̄йа вибха̄ветум̣ ‘‘йатхева хӣ’’тиа̄ди вуттам̣.

суван̣н̣а̄ват̣т̣ам̣ вийа̄ти аччхе суван̣н̣апатте виниваттаа̄ват̣т̣ам̣ вийа. гарахан̣аччхарийам̣ на̄ма киретам̣ ‘‘аччхарийаметам̣ ависиччхепхалавада’’нтиа̄дӣсу вийа. на еваметарахӣти аттано па̄кат̣авасена вадати, на итаресампӣти. сира̄джа̄ла̄ти сира̄санта̄на̄. еварӯпам̣ на хотӣти ан̃н̃есам̣ па̄катикасатта̄нам̣ вутта̄ка̄рам̣ вийа на хоти пун̃н̃асамбха̄расса ул̣а̄ратаматта̄ випаччанасса парийантагататта̄. тена̄ха ‘‘ан̃н̃есам̣ апа̄кат̣а’’нти. валийа̄ват̣т̣аканти аппакам̣ валийа̄ват̣т̣ам̣. тена̄ха ‘‘кесаггаппама̄н̣а’’нти. сабба̄нӣти сира̄джа̄ла̄ни. пурато ван̇коти тхокам̣ пурато натаматтам̣ сандха̄йа̄ха. тена вуттам̣ ‘‘сва̄йам̣ ан̃н̃есам̣ апа̄кат̣о’’ти. найагга̄хатоти анума̄нато. дхӣ танти дхӣ-саддайоге упайогавачанам̣. дхӣти джигуччханаттхе нипа̄то. дхикка̄роти джигуччха̄пайого. там̣ пхусатӯти туйхам̣ па̄пун̣а̄ту.