6. пат̣хамавибхан̇гасуттаван̣н̣ана̄

506. ка̄йиканти айамасса ниссайавасена ниддесоти а̄ха – ‘‘ка̄йапаса̄даваттхука’’нти. сарӯпаниддесо сукхам̣ сукхиндрийасса сарӯпанти. са̄данӣйат̣т̣хена дхаммапада̄ни аттани асса̄дайатӣти са̄там̣, мадхурам̣. ведайитанти ведийанам̣, анубхавананти аттхо. ан̃н̃адхаммависит̣т̣хоти пхасса̄дӣхи ан̃н̃ехи дхаммехи висадисо. ка̄йиканти паса̄дака̄йасаннисситам̣. четасиканти четосаннисситам̣, тена вуттам̣ ‘‘еттха пана̄’’тиа̄ди. ка̄йапаса̄да…пе… наттхи, тасма̄ ‘‘чатта̄ро паса̄дака̄йе ваттхум̣ катва̄’’ти вуттам̣.