7. дуччаритасуттаван̣н̣ана̄

413. еттха̄пи маносучаритам̣ сӣлам̣ на̄ма̄ти дассетӣти катва̄ вуттам̣ ‘‘паччхима̄пи тайо’’ти. анабхиджджха̄абйа̄па̄дасамма̄дит̣т̣хидхамма̄ сӣлам̣ хотӣти ведитабба̄ ка̄йавачӣсучаритехи саддхим̣ маносучаритампи ватва̄ ‘‘тато твам̣ бхиккху сӣлам̣ нисса̄йа сӣле патит̣т̣ха̄йа̄’’ти вуттатта̄. сесам̣ вуттанайамева. чхат̣т̣хасаттамесӯти чхат̣т̣хасаттамаваггесу апуббам̣ наттхи. тена вуттам̣ ‘‘хет̣т̣ха̄ вуттанайенева аттхо ведитаббо’’ти. ваггапеййа̄лато пана имасмим̣ сатипат̣т̣ха̄насам̣йутте катипайавагга̄ сан̇гахам̣ а̄рӯл̣ха̄, татха̄пи тесам̣ аттхависеса̄бха̄вато екаччесу поттхакесу мукхаматтам̣ дассетва̄ сам̣кхитта̄, екаччесу атисам̣кхитта̄ва, те сан̇кхепавасена две катва̄ ‘‘чхат̣т̣хасаттамесӯ’’ти вуттам̣.

аматаваггаван̣н̣ана̄ нит̣т̣хита̄.

сатипат̣т̣ха̄насам̣йуттаван̣н̣ана̄ нит̣т̣хита̄.