6-7. тан̣хаккхайасутта̄диван̣н̣ана̄

207-208. ‘‘со мам̣ пуччхиссатӣ’’ти адхиппа̄йена бхагавата̄ оса̄питадесанам̣. паттхат̣атта̄ бха̄вана̄па̄рипӯрийа̄ виттха̄ритам̣ гататта̄. махантабха̄ванти бха̄вана̄васенева махаттам̣ гататта̄. тато ева вад̣д̣хиппама̄н̣а̄. нӣваран̣авигаме самбхавато паччайато бйа̄па̄до вигато хотӣти а̄ха – ‘‘нӣваран̣а̄нам̣ дӯрӣбха̄вена бйа̄па̄давирахитатта̄’’ти. тан̣ха̄мӯлаканти тан̣ха̄паччайам̣. йан̃хи тан̣ха̄сахагатам̣ асахагатампи тан̣хам̣ упанисса̄йа ниппханнам̣, саббам̣ там̣ тан̣ха̄мӯлакам̣. пахӣйати ануппа̄даппаха̄нена. тан̣ха̄дӣнам̣йева кхайа̄, на тесам̣ сан̇кха̄ра̄нам̣ кхайа̄. етехи тан̣хаккхайа̄дипадехи.