8. ниббедхабха̄гийасуттаван̣н̣ана̄

209. ниббиджджхантӣти ниббедха̄, ниббиджджханадхамма̄ дхаммавинайа̄дайо, таппарийа̄панната̄йа ниббедхабха̄ге гато ниббедхабха̄гийо, там̣ ниббедхабха̄гийам̣. тена̄ха ‘‘ниббиджджханакот̣т̣ха̄сийа’’нти. бха̄ветва̄ т̣хитена читтена. випассана̄маггампи гахетва̄ ‘‘маггабоджджхан̇га̄ миссака̄’’ти вутта̄. техӣти боджджхан̇гехи бха̄витам̣ читтам̣. те ва̄ боджджхан̇ге бха̄ветва̄ т̣хитам̣ читтам̣ на̄ма пхалачиттам̣, тасма̄ ниббаттиталокуттарамева. тампӣти пхалачиттампи магга̄нантарата̄йа магганисситам̣ катва̄ миссакамева катхетум̣ ват̣т̣ати ‘‘бодха̄йа сам̣ваттантӣ’’ти вуттатта̄.