5. дат̣т̣хаббасуттаван̣н̣ана̄

253. випарин̣а̄манавасена дуккхато дат̣т̣хабба̄ти кин̃ча̄пи сукха̄, парин̣а̄мадуккхата̄ пана сукхаведана̄йа екантика̄ти. винивиджджханат̣т̣хена̄ти пӣл̣анавасена аттабха̄васса виджджханат̣т̣хена. хутва̄ти паччайасама̄гамена уппаджджитва̄. тена па̄кабха̄вапуббако аттала̄бхо вутто. абха̄ва̄ка̄рена̄ти бхан̇гупагамана̄ка̄рена. тена виддхам̣сабха̄во вутто. убхайена удайаббайапариччхинната̄йа сикхаппаттам̣ аниччатам̣ дассети. сва̄йам̣ хутва̄ абха̄ва̄ка̄ро итара̄супи ведана̄су лаббхатева, адхико ча пана двиннам̣ дуккхасабха̄во. дуккхата̄васена пурима̄нам̣ ведана̄нам̣ дат̣т̣хаббата̄йа дасситатта̄ паччхима̄йа ведана̄йа евам̣ дат̣т̣хаббата̄ дассита̄. адда̄ти н̃а̄н̣агатийа̄ саччхикатва̄ адаккхи. н̃а̄н̣агаманан̃хетам̣, йадидам̣ дуккхато дассанам̣. сантасабха̄вам̣ сукхадуккхато упасантарӯпатта̄.

дат̣т̣хаббасуттаван̣н̣ана̄ нит̣т̣хита̄.