1. адантаагуттасуттаван̣н̣ана̄

94. адамита̄ти дамам̣ ниббисеванабха̄вам̣ анӣта̄. агопита̄ти сатисан̇кха̄та̄йа ватийа̄ на раккхита̄. апихита̄ти сатикава̄т̣ена на пихита̄. чатӯхипи падехи индрийа̄нам̣ ана̄варан̣амева̄ха. адхикам̣ вахантӣти адхива̄ха̄, дуккхасса адхива̄ха̄ дуккха̄дхива̄ха̄. нирайесу уппаджджанакам̣ нерайикам̣. а̄ди-саддена сесапа̄л̣им̣ сан̇ган̣ха̄ти.

сал̣ева̄ти чха-ка̄расса са-ка̄ро, л̣а-ка̄ро падасандхикаро. йаттха̄ти нимиттаттхе бхуммам̣. анавассута̄ атинта̄ти ра̄гена атемита̄.

асса̄дитанти асса̄дам̣ итам̣ упагатам̣. тена̄ха ‘‘асса̄даванта’’нти. сукхадуккханти ит̣т̣ха̄нит̣т̣хам̣. анвайатӣти анвайо, хету. пхассоти анвайо етасса̄ти пхассанвайанти а̄ха – ‘‘пхассахетука’’нти. ‘‘авируддха’’ити вибхаттилопена ниддесо.

папан̃часан̃н̃а̄ти тан̣ха̄дисамадхӯпасам̣хатасан̃н̃а̄. тена̄ха ‘‘килесасан̃н̃а̄йа папан̃часан̃н̃а̄ на̄ма хутва̄’’ти. папан̃часан̃н̃а̄ етесам̣ аттхӣти папан̃часан̃н̃а̄, итарӣтара̄ нара̄. папан̃чайанта̄ти сам̣са̄ре папан̃чам̣ чира̄йанам̣ каронта̄. сан̃н̃иноти гехасситасан̃н̃а̄йа сан̃н̃а̄ванто. маномайам̣ витакканти кевалам̣ манаса̄ самбха̄витам̣ миччха̄витаккам̣. ирӣйатӣти ирийам̣ пат̣ипаттим̣ ирӣйати пат̣ипаджджати.

сут̣т̣ху бха̄витоти сут̣т̣хубха̄вам̣ субха̄ванам̣ ито бха̄витабха̄вито. пхут̣т̣хасса читтанти тена йатха̄вуттапхассена пхут̣т̣хам̣ асса читтам̣. на викампате квачӣти кисмин̃чи ит̣т̣ха̄нит̣т̣ха̄рамман̣е на кампати. па̄рага̄ти па̄рага̄мино бхаватха.

адантаагуттасуттаван̣н̣ана̄ нит̣т̣хита̄.