9-10. нандиккхайасутта̄диван̣н̣ана̄

51-52. навамадасамесӯти суттадвайам̣ сахева уддхат̣ам̣, двӣсупи аттхаван̣н̣ана̄йа сариккхабха̄вато. нанданат̣т̣хена нандӣ, ран̃джанат̣т̣хена ра̄го. сатипи саддаттхато бхеде ‘‘имесам̣ аттхато нинна̄на̄каран̣ата̄йа̄’’ти ватва̄пи паха̄йакадхаммабхедена пана лаббхатева бхедаматта̄ти дассетум̣ ‘‘ниббида̄нупассана̄йа ва̄’’тиа̄ди вуттам̣. вираджджанто ра̄гам̣ паджахатӣти самбандхо. етта̄вата̄ти ‘‘нандиккхайа̄ ра̄гаккхайо’’ти етта̄вата̄. випассанам̣ нит̣т̣хапетва̄ випассана̄киччасса парийоса̄нена. ра̄гаккхайа̄ти вут̣т̣ха̄нага̄минипарийоса̄на̄йа випассана̄йа ра̄гасса кхепитатта̄. анантарам̣ уппаннена арийамаггена самуччхедавасена нандиккхайоти. тена̄ха ‘‘идха маггам̣ дассетва̄’’ти. анантарам̣ пана уппаннена арийапхалена пат̣ипассаддхивасена нандира̄гаккхайа̄ саббам̣ сам̣килесато читтам̣ вимуччатӣти. тена̄ха ‘‘пхалам̣ дассита’’нти.

нандиккхайасутта̄диван̣н̣ана̄ нит̣т̣хита̄.

аттадӣпаваггаван̣н̣ана̄ нит̣т̣хита̄.

мӯлапан̣н̣а̄сако саматто.