7. а̄н̣исуттаван̣н̣ана̄

229. ан̃н̃е ра̄джа̄но ча бха̄гам̣ ган̣ханта̄ име вийа дасабха̄гам̣ ган̣хантӣти тесамайам̣ анугати пан̃н̃а̄йати. маха̄джанасса а̄найанато а̄накоти а̄ха ‘‘евам̣ладдхана̄мо’’ти. ида̄ни там̣ а̄дито пат̣т̣ха̄йа а̄гамана̄нуккамам̣ дассетум̣ ‘‘химаванте кира̄’’тиа̄дима̄ха. карен̣унти карен̣укам̣, хаттхининти аттхо. саккарим̣сӯти анаттхапарихаран̣авасена пасаттхӯпаха̄равасена ча пӯджесум̣. отарӣти кул̣ӣрадахам̣ па̄виси. пат̣иккамитва̄ т̣хапанавасена апаккамитва̄ пати.

суван̣н̣араджата̄димайанти кисмин̃чи чхидде суван̣н̣амайам̣, кисмин̃чи раджатамайам̣, кисмин̃чи пхаликамайам̣ а̄н̣им̣ гхат̣айим̣су бандхим̣су. пуббе пхаритва̄ тит̣т̣хантасса два̄даса йоджана̄ни пама̄н̣о етасса̄ти два̄дасайоджанаппама̄н̣о, саддо. атхасса анекасатака̄ле гаччханте антоса̄ла̄йампи дуккхена суййиттха а̄н̣исан̇гха̄т̣аматтатта̄.

гамбхӣра̄ти ага̄дха̄ дуккхога̄л̣ха̄. салласуттан̃хи ‘‘анимиттаманан̃н̃а̄та’’нтиа̄дина̄ па̄л̣ивасена гамбхӣрам̣, на аттхагамбхӣрам̣. татха̄ хи таттха та̄ та̄ га̄тха̄ дувин̃н̃еййарӯпа̄ тит̣т̣ханти, дувин̃н̃еййам̣ н̃а̄н̣ена дуккхога̄ханти катва̄ ‘‘гамбхӣра’’нти вуччати. пубба̄парампеттха ка̄сан̃чи га̄тха̄нам̣ дувин̃н̃еййата̄йа дуккхога̄хамева, тасма̄ там̣ па̄л̣ивасена ‘‘гамбхӣра’’нти вуттам̣ ‘‘па̄л̣ивасена гамбхӣра̄ салласуттасадиса̄’’ти. имина̄ найена ‘‘аттхавасена гамбхӣра̄’’ти еттха аттхо ведитаббо. маха̄ведалласуттасса аттхавасена гамбхӣрата̄ па̄кат̣а̄йева. локам̣ уттаратӣти локуттаро, нававидхааппама̄н̣адхаммо, со аттхабхӯто етесам̣ аттхӣти локуттара̄. тена̄ха ‘‘локуттарааттхадӣпака̄’’ти. саттасун̃н̃атадхаммаматтамева̄ти саттена аттана̄ сун̃н̃атам̣ кевалам̣ дхаммаматтамева. уггахетаббам̣ парийа̄пун̣итаббанти ча лин̇гавачанавипалла̄сена вуттанти а̄ха ‘‘уггахетаббе ча парийа̄пун̣итаббе ча̄’’ти. кавита̄ти кавино каммам̣ кавиката̄. йасса пана йам̣ каммам̣, там̣ тена катанти вуччатӣти а̄ха ‘‘кавита̄ти кавӣхи ката̄’’ти. итарам̣ ‘‘ка̄веййа̄’’ти падам̣, каббанти вуттам̣ хоти. ‘‘кабба’’нти ча кавина̄ вуттанти аттхо. тена̄ха ‘‘тассева вевачана’’нти. читтаккхара̄ти вичитра̄ка̄рааккхара̄. са̄санато бахибхӯта̄ти на са̄сана̄вачара̄. тесам̣ са̄вакехӣти ‘‘буддха̄нам̣ са̄вака̄’’ти апан̃н̃а̄та̄нам̣ йесам̣ кесан̃чи са̄вакехи. ануггайхама̄на̄ти на уггайхама̄на̄ саванадха̄ран̣апаричайааттхӯпапариккха̄дивасена ануггайхама̄на̄. антарадха̄йанти адассанам̣ гаччханти.

а̄н̣исуттаван̣н̣ана̄ нит̣т̣хита̄.