8. калин̇гарасуттаван̣н̣ана̄

230. калин̇гарам̣ вуччати кхуддакада̄рукхан̣д̣ам̣, там̣ упадха̄нам̣ етесанти калин̇гарӯпадха̄на̄. личчхавӣ пана кхадирадан̣д̣ам̣ упадха̄нам̣ катва̄ тада̄ вихарим̣су. тасма̄ вуттам̣ ‘‘кхадирагхат̣ика̄сӯ’’тиа̄ди. пакативиджджусан̃н̃ито наттхи етесам̣ кхан̣о виджджханети аккхан̣аведхино тато сӣгхатарам̣ виджджханато. ‘‘аккхан̣а’’нти виджджу вуччати иттаракхан̣атта̄. аккхан̣обха̄сена лаккхан̣аведхака̄ аккхан̣аведхино. анекадха̄ бхиннасса ва̄ласса виджджханена ва̄лаведхино. ва̄лекадесо хи идха ‘‘ва̄ло’’ти гахито.

бахудева дивасабха̄гам̣ падха̄на̄нуйогато уппаннадаратхапариссамавиноданаттхам̣ нха̄йитва̄. те сандха̄йа̄ти те татха̄рӯпе падха̄накаммикабхиккхӯ сандха̄йа. идам̣ ида̄ни вуччама̄нам̣ аттхаджа̄там̣ вуттам̣ пора̄н̣ат̣т̣хакатха̄йам̣. айампи дӣпоти тамбапан̣н̣идӣпама̄ха. падха̄на̄нуйун̃джанавела̄йа ниведанавасена таттха таттха екаджджхам̣ пахатагхан̣д̣иниггхосенева екагхан̣д̣иниггхосо, таттха таттха пан̣н̣аса̄ла̄дӣсу васанта̄нам̣ бхиккхӯнам̣ васена екападха̄набхӯто. на̄на̄мукхоти анура̄дхапурасса паччхимадиса̄йам̣ еко виха̄ро, пиличчхикол̣инагарасса пураттхимадиса̄йам̣. убхайаттха паваттагхан̣д̣исадда̄ антара̄паваттагхан̣д̣исаддехи миссетва̄ осаранти. калйа̄н̣ийам̣ паваттагхан̣д̣исаддо татха̄ на̄гадӣпе.

калин̇гарасуттаван̣н̣ана̄ нит̣т̣хита̄.