12. парам̣маран̣асуттаван̣н̣ана̄

155. йатха̄ атӣтакаппе атӣта̄су джа̄тӣсу каммакилесавасена а̄гато, татха̄ етарахипи а̄гатоти татха̄гато, йатха̄ йатха̄ ва̄ пана каммам̣ катӯпачитам̣, татха̄ там̣ там̣ аттабха̄вам̣ а̄гато упагато упапанноти татха̄гато, саттоти а̄ха ‘‘татха̄гатоти сатто’’ти. етанти ‘‘евам̣ хоти бхавати тит̣т̣хати сассатисама’’нти евам̣ паваттам̣ дит̣т̣хигатам̣. аттхасаннисситам̣ на хотӣти дит̣т̣хадхаммикасампара̄йикапараматтхато сукханти пасаттхасаннисситам̣ на хоти. а̄дибрахмачарийаканти еттха маггабрахмачарийам̣ адхиппетам̣ тасса падха̄набха̄вато. тасса пана етам̣ дит̣т̣хигатам̣ а̄дипат̣ипада̄маттам̣ на хоти анупака̄ракатта̄ виломанато ча. тато ева итарабрахмачарийассапи аниссайова. сесам̣ вуттанайена ведитаббам̣.

парам̣маран̣асуттаван̣н̣ана̄ нит̣т̣хита̄.