10. тхерана̄макасуттаван̣н̣ана̄

244. атӣте кхандхапан̃чакети атӣте аттабха̄ве. чхандара̄гаппаха̄нена̄ти чхандара̄гасса аччантамева джаханена. пахӣнам̣ на̄ма хоти анапеккхапаричча̄гато. пат̣иниссат̣т̣хам̣ на̄ма хоти саббасо чхад̣д̣итатта̄. тайо бхавети имина̄ упа̄дин̣н̣акадхамма̄нам̣йева гахан̣ам̣. сабба̄ кхандха̄йатанадха̄туйо ча̄ти имина̄ упа̄дин̣н̣а̄нампи анупа̄дин̣н̣а̄нампи двидха̄ паватталокийадхамма̄нам̣ гахан̣ам̣ ависесетва̄ вуттатта̄. видитам̣ па̄кат̣ам̣ катва̄ т̣хитам̣ парин̃н̃а̄бхисамайавасена. тесвева̄ти тебхӯмакадхаммесу ева. анупалиттам̣ аматхитам̣ асам̣килит̣т̣хам̣ тан̣ха̄дит̣т̣хисам̣килеса̄бха̄вато. тадева саббанти хет̣т̣ха̄ тӣсупи падесу идха саббаггахан̣ена гахитам̣ тебхӯмакават̣т̣ам̣. джахитва̄ти паха̄на̄бхисамайавасена. тан̣ха̄ кхӣйати еттха̄ти тан̣хаккхайасан̇кха̄те нибба̄не вимуттам̣. тамаханти там̣ уттамапуггалам̣ екавиха̄рим̣ брӯми тан̣ха̄дутийасса абха̄вато. еттха ча парин̃н̃а̄паха̄на̄бхисамайакатханена итарампи абхисамайам̣ аттхато катхитамева̄ти дат̣т̣хаббам̣.

тхерана̄макасуттаван̣н̣ана̄ нит̣т̣хита̄.