2. дутийаассутава̄суттаван̣н̣ана̄

62. паччайабха̄вена сукхаведана̄йа хитанти сукхаведанийам̣. тена̄ха ‘‘сукхаведана̄йа паччайа’’нти. паччайабха̄во ча упаниссайакот̣ийа̄, на сахаджа̄такот̣ийа̄. тена̄ха ‘‘нану ча̄’’тиа̄ди. джаванаведана̄йа̄ти джаваначиттасахагата̄йа ведана̄йа. там̣ сандха̄йа̄ти там̣ упаниссайапаччайатам̣ сандха̄йа. етанти етам̣ ‘‘сукхаведана̄йа паччайа’’нти вачанам̣ вуттам̣. есева найоти имина̄ ‘‘нану ча сотасампхассо сукхаведана̄йа паччайо на хотӣ’’ти евама̄дим̣ атидисати. со сампхассо джа̄ти уппаттит̣т̣ха̄нам̣ етасса̄ти таджджа̄тикам̣, ведайитам̣. там̣ пана йасма̄ тасса пхассасса ануччхавикамева хоти, тасма̄ тасса̄руппам̣ тасса пхассасса анурӯпанти ча аттхо вутто. вуттанайена̄ти ‘‘сукхаведана̄йа паччайо’’тиа̄дина̄ вуттавидхиануса̄рена. адхара̄ран̣ийам̣ уттара̄ран̣ийа̄ мантанавасена гхат̣т̣анам̣ ива сан̇гхат̣т̣анам̣ пхассена йугагга̄хо, тасса пана гхат̣т̣анасса нирантараппаваттийа̄ пин̣д̣итабха̄во идха самодха̄нам̣, на кесан̃чи двиннам̣ тин̣н̣ам̣ ва̄ саха̄ват̣т̣ха̄нанти вуттам̣ ‘‘сан̇гхат̣т̣анасампин̣д̣анена̄ти аттхо’’ти. аггичун̣н̣оти виппхулин̇гам̣. ваттхӯти чаккха̄диваттху висайасан̇гхат̣т̣анато. лаббхама̄нова дхаммо сан̇гхат̣т̣анам̣ вийа гайхатӣти вуттам̣ ‘‘сан̇гхат̣т̣анам̣ вийа пхассо’’ти. усма̄дха̄ту вийа ведана̄ дуккхасабха̄ватта̄.

дутийаассутава̄суттаван̣н̣ана̄ нит̣т̣хита̄.